بنات تكفون الي اخذت الروكتين ترد علي !!!بسرعه!!

هلا اختي smst75
انا لي الحين تقريبا 7 شهور استعمل الروكاتين..
واللي صار معي انه بعد اسبوعين زادت شووي الحبوب اما اختي اللي كتبلها الدكتور معي زادت كثير عندها 3 اسابيع وبعدين رجعت طبيعي.. وبنت خالتي ماشالله تستعملها وماصار معها شي يعني تفرق من وحده لوحده..

اما النتايج الحلوة تطلع من 3 الى رابع شهر ويبيلك تكملين المده اللي محددها الدكتور..
وبالنسبة للأكل :23: تقدرين تاكلين اللي تبينه بس مره شووي ( لييييه) لان الروكاتين يزيد نسبة الكلسترول بالدم ومو كويس نزيده كمان بالأكل.. يعني الزبده كلي اللي نفسك فيه بس اقل شي تقدرين عليه..

وبالتوفيق يارب:27:

مشكوووووووره أختي ما قصرت والله يشافيك ويشافيني والجميع انشا الله .......
بس بغيت اسأل انتي شنو كانت مشكلتج حب الشباب بس عادي والله غير لأن انا بلأضافه الى حب الشباب الي مزهقني من عيشتي عندي في منطقة الذقن اكياس دهنيه ما تروح وشكلها كريييييه بس قال لي الدكتور آخدها بس 5 اشهر انتي ليش 7 وااااااايد وهلحبوب ترا مرا غاليه ....وشلون صارت الحين بشرتش اختفت منها المشاكل نهائيا ؟؟؟طفشتش من زود الأسئله بس شسوي سامحيني واتحمليني شوي !!!ومشكوووره اختي على الرد .

- انا استخدمتها لمدة 5 شهور .. بس النتايج بدت في الشهر الاول .. طلعتلي الحبوب الي بداخل البشره وكنت اروح كل شهر مره للدكتوره عسب تقشرلي هالحبوب الي ظهرت .. بعدين شوي شوي نادرا ماتظهر حبه بويهي ولمن تظهر تكون سطحيه وماتعور .. لين ما بقت الاثار بويهي والي تخف مع الاستمرار على التقشير.. بس الحينه صارلي فتره يمكن فوق الـ5 شهور مارحتلها لاني مليت .. بس الحمد لله بشرتيه احسن عن قبل ..

بس الصراحه شعريه واايد خف في تلك الفتره وماكنت مرتاحه باستخدامه !!! بس عن الاكل .. ما خليت شي في خاطريه عادي اكل كل شي .. حتى الدكتوره قالت عادي ما ياثر.. بس لازم تسوين فحص دم قبل استخدامه ..

وهي صح .. اعرف وحده استخدمته شهر بسسسسس .. وما شاء الله بشرتها روعه .. يعني يختلف تاثيره من بشره لبشره ..

وانا بشرتيه دهنيه على حساسه وكنت اعاني من حب الشباب .. بس الي اعرفها استخدمته قبل عرسها وماكانت تعاني من مشاكل كبيره في بشرتها غير حبوب خفيفه ..

وتره هي قالتلي 5 شهور و عقب الـ5 شهور انا تركته بس الدكتوره والله اعلم كانت تبغي تزيد المده لي بس انا ما رضيت لاني كنت زايغه منه وحدي ما اريد ارد استخدمه مره ثانيه .. فظليت على التقشير فتره بعدين قالتلي انها تبغي تكتب الرو اكتين لي مره ثانيه .. وانا للمره الثانيه قلتلها اسفه ما اريد .. والحينه ما اسوي شي .. لا اشوفهاولا استخدم دواها باستثناء المرطب والدفرين مرات بس ما استغنى عن كريم الشمس ..

السلام عليكم ...اختي انا استخدمته 6 شهور كامله مكلمه وكنت كل شهر اسوي تحليل وكنت معاه معطيني الدكتور كريم مرطب قوي للبشره لانه صج اول اسبوعين زادت الحبوب عندي لكن بعدها بدى ويهي يجف وايد وجتى شعري لاحظته خف وقام يطيح ...لكن ولله الحمد انه بعد ما انتهت مدته ويهي صار وايد احسن صج فيه اثار حبوب وحمار خفيف نتيجه للحبوب بس هم وايد وايد احسن والخطوه اليايه بعده الي هي طبعا التقشير للاثار بي الدكتور نصحني اني اسوي بالشتاء علشان ويهي ما يلتهب لانه وايد حساس للجو ويتاثر بسرعه .... انتي سألتي عن سبب اختلاف المده من بنت الي بنت يعني في بنات لازم ياخذونه 5 شهور وفيه 6 وفيه 7وفيه ناس اكثر يا حبيبتي الاختلاف هذا راجع لوزن المريضه يعني كل ما صرتي متينه ووزنج وايد زادت مدة اخذج للعلاج ...بس اخذي نصيحتي ترى التحليل الشهري لوظائف الكبد والكلى والدهون الثلاثيه ضروري ومهم والدكتور الزين اهو الي يطلب منج هالتحاليل بشكل شهري وحتى لو ما طلبهم انتي سويهم لان الدواء هذا معروف انه ياثر على الكبد بشكل قوي وبعد احتمال اذا شاف الدكتور انه نسبة الكرسترول بدمج عاليه وايد اهني لازم يوقف الدواء لانه الكبد ماراح تقدر والدواء بعد يزيد نسبه الكرسترول فديري بالك عدل .....ادعيلج بالتوفيق وبصفاء البشره :)