بنات تكفون تعالوا هنا والله محتاجتكم

لسلام عليكم ورحمة الله وبركاته
كيفكم ياصابيا من زمااااااااااااااان عنكم
وحشتوني
عمومن انا راجعه لكم ومعي مشكله:o
انا متزوجه لي تقريبا ثمان شهور
ومشكلتي اني ساكنه فوق اهل زوجي في شقه مكونه من غرفة نوم وصاله ومطبخ وغرفه ضيوف
وطبعن الي ساكن تحت عمتي كبيره في السن وعمي كذالك وخدامتهم فقط يعني ماعندهم بنات كل بناتهم كبار ومتزوجات والعيال كذالك
المشكله ويييييييييييييييييييين اني انا ماعندي اي خصوصيه يعني وانا طالعه ام زوجي تشوفني وانا نازله مع الدرج وتحرجني بالاسئله وين رايحين ومن هالكلام انا اطفش ولو زوجي مايطلعني يومين يمكن اطق من االطفش فاكل يومين يطلعني وتعتبر هالطلعات كثيره بالنسبه لامه وطبعن في الطلعه مانتهنا كل شوي وينكم واذا جينا الاهي مسكره بيتها عليها ونايمه طبعن انا محرومه من طلعت العصر لوفي الموت ما اطلع العصر
والله في هالبيت ماتسمعون غير اصوات القطاوه بنات انا جاني اكتاب تخيلي انتي وحده عمرك عشرين سنه وجيتي من مجتمع كله بنات من نفس عمرك مجتمع متعودين على الطلعات والسهر وكلن نظامه في يده الى مجتمع مافيه غير شايبين الاكل غير الاكل الي انتي تاكلينه واذا ماكلتي زعلوا وشالوا في خاطرهم عليك السوالف نصها ماتدرين وش يقولون اسلك لهم واهزهز راسي اذا جلسوا اتحداهم يشغلون المكيف تنقطين عرق لييييييين تخيسين ماحسوا بالحر واذا قمت ابي اشغله قالوا فكينا منه مانحبه
وش اسوي تكفون ابي احس اني متزوجه مابي اعتمد على احد ابي اطبخ بكيفي وانام واقوم على كيفي ابي زوجي يجلس عندي زيي زي البنات الي متزوجات قسم انه حاطني على الهامش ياكل ويشرب ويجلس عندهم من المغرب ليييييييين عشر باليل ثم جاء عندي ونام واذا ناقشته قال هذولا امي وابوي لهم حق علي
والله ماني مبسوطه
تكفون انصحوني
ادري طولت عليكم بس والله مالي احد غيركم بعد الله