بنات تكفون خايفه من المطوع لا تخلوني........

شلونكم بنات وش اخباركم

والله مدري وشلون اقولكم الي عندي بس انا بقول وانتم بالله عليكم ردوا علي .

شوفوا انا الحين صارلي متزوجه سبع سنوات وما عندي اطفال ورحت لاكثر من دكتور وما
فيه فايده كلهم اكدوا لي اني سليمه انا وزوجي وعملت اطفال انابيب مرتين وفشلت ورحت
للعجايز واخذت من عندهم اعشاب وغيره ودفعت اشكثر فلوس بس مو مهم والحين رحت
للمطوع وقريت عنده ومدري وش صارلي صارلي شي عمره ما صارلي لاني قبل رحت
لمطوع وعادي ما صار شي قرا علي عادي لكن هذي المره كانت غير خفت حيل وجسمي كله صار ينمل ويرجف وقعدت اصرخ وابكي مدري وش صارلي وقالي المطوع فيكي مس وخفت مدري يعني وش مس وقال يمكن هذا الي ما يخليك تحملي وانا معالج مثلك كثير وعطاني سدر مع نبته لونها اخضر وملح اسمه ملح اسود وصمغ واخلطهم مع السدر واتسبح فيهم بعد ما اكون دهنت جسمي باليل بزيت حبة البركه هذا غير مسك الغزال الي قال حطي منه على ماء تشربينه وشي اسمه عود الهند اطحنه واحط عليه شوي من زيت البركه مع ماء واحطه على شكل قطره للانف هذا بعد احط مسك الغزال مع الماء واسوي فيه دش مهبلي مدري يبنات انا ماصارلي غير امس رايحه ومدري حيل خايفه مدري يعني شنو مس ما ني فاهمه وخفت اقوله شي وانا بعد خايفه من هذي الادويه وعطاني مراجعه بعد خمسة عشر يوم ومدري وش اسوي اروح ولا لا تكفون بنات ردوا علي وش يعني هذا كله ومن الي جربت مثلي تكفون لا تخلوني تراني خايفه موت