بنات تكفون دعواتكم وارائكم ضروووووري جداً

السلام عليكم..اعذروني ع طول اقطاعي عنكم ولكن انا في حاله مايعلم فيها الا الله..
تعبت من زوجي في خيانته مع البنات..يراكض وراهم ليل ونهار.ينزل كل البرامج الي تسهل وصوله لهم ويجلس يراسلهم كل مااتكلم معاه يحط الغلط علي وينكر وانا شايفه كل شي بعيني يسالهم عن اي شي بيني وبينه فيقولوله خلها لاتدلعها الحرمه اذا دلعتها تتفرعن عليك..فيزيد بلاويه ..يسالهم اخصص لها يوم بالاسبوع يقولوله افضل انك ماتخرجها تماما عشان تتعود ع قعدو البيت ولاتفكر تطلبك شي وغير المكالمات الي الله يستر من الي فيها .. من يصبح الصبح وهو شغال بالجوال الى الظهر يرجع يتغدا ويمسك جواله .. ينام ويصحى عليه..اعرف زوجي قبل البنات كان مايحب يجلس ع الجوال ولا يحب يراسل اخوياه كثير يعني مجرد رسايل سطحيه وبس ..مالي سنتين من تزوجت والحين حامل في الشهور الاخيره .. انا زهقت وتعبت من تصرفات زوجي عشان موضوع البنات وكمان بخيل واذا طلبت شي يقعد ب7 شهور عشان يجيبلي اياه طبعا الاكل والشرب يجيبه..بس اموري واحتياجاتي من ملابس وغيره مايرضى ومالي اهل في المدينه الي انا فيها..عانيت كثير من جفافه تكلمت معاه ولمحت له كثير عشان يحس لاكن للاسف .. اهل زوجي يحطوني ع راسهم من كثر مايحبوني لكن للاسف مايسمح لهم يتدخلون باي شي بيني وبينه يعني مثلاً اذا شكيت لهم عن زوجي عشان يتفاهمون معاه مايخليليهم مجال يتكلمون يقول هذه امور تخصني انا وزوجتي مااحد يتدخل ..بعد سنه وشهور قلت خليني ادخل تويتر واسلي نفسي يوم شاف حسابي بتويتر ماشاف اي شي الا اني اضفت ناس بالهبل من بنات ورجال كلهم مثل طارق السويدان وغيره يعني مشاهير بالثقافه والدين وكذا..قوم الدنيا ماقعدها..يقولي انا خلاص ابي اطلقك ماعاد ابيكي والي في بطك باخذه من المحكمه غصباً عليكي..ولا رح اخليكي تربينه..وله اسبوع كامل ينام برا الغرفه ومبسوط ع الاخر دام الجوال معاه الاقيه يسهر ماينام .. ولا يتكلم معاي ويبي يخلص كل اجراءتي عشان يوديني بيت اهلي لكن حسبي الله ونعم الوكيل.. اهلي من الناس الي حتى اذاتزوج زوجك اقعدي في بيتك مصيره بيرجع لك مافي اي تفاهم ابداً في الموضوع ..
بنات الله يسعدكم كلكم ابي دعواتكم .. ابي الي تعرف احد دعوته مستجابه يدعي لي من جد من جد حالتي صعبت .. حامل ولا ارتحت من التفكير ولا من الظلم الي اشوفه منه..ترا ماكتبت لكم الا من حاجتي للدعاء عسى ربي يفرجها ويرجع لي