بنات تكفون ساعدوني ابمووووووووووووت من البكاء.. امي تبغى تجنني!!!!!!!!

السلام عليكم بنات.. اكتب لكم والدموع مغرقه عيوني.. :(

عمري 28 سنه وما الله اراد اتزوج مع اني جميله وجامعية وموظفه وراتبي زين الحمدلله..
امي مشكلتي بهالدنيا.. انا اكبر اخواني ودايما تتعمد تجرحني قدامهم حتى صاروا ما يحترموني خصوصا اخوي..
ومن يوم ما كنت طفله وهي تضربني بالعصا وتحبسني بالساعات بغرفه ظلمه على اتفه سبب..
واخواني يسوون البلاوي وتسامحهم وتتقبل منهم اي شي ولا تقسى عليهم مثلي..
والله العظيم يا بنات محد يهديها هدايا والا يعزم عالغدا والعشا غيري لان باقي اخواني يدرسون للحين..

واليوم جالسه اسولف مع اختي واحنا طالعين بالسياره.. اكلمها عن وحده شاطره بالطبخ وسوت لها مشروع..
اختي هذي عمرها 24 وشاطره ماشاء الله بالطبخ.. فاقترحت عليها تسوي مثلها وتبيع طبخات..
هنا امي قطعتني وقالت خييير تبغين بنتي تطبخ للناس وليه ما تطبخين انتي بدالها؟!!!..
لاحظوا تقول عن اختي (بنتي) ما كأني انا بعد بنتها !!! وتقول ليه ماتطبخين بدالها واختي الشاطره بالطبخ!!
اختي بعد كلام امي فهمت الموضوع على انه شي شييين وقالت لا ابدا ما يصلح!!
انا هنا قلت لامي الشغل ماهو عيب.. قالت لي لا خليها بدراستها لا تخربين عليها!!!!!!!!!
قلت لها كثير بنات الحين يدرسون ويشتغلون.. قالت امي اذا عاجبك الموضوع سويه انتي ماعليك من بنتي!!!!
قلت لها بس انا ما اعرف اطبخ مثلها.. قالت لي لو تعرفين تطبخين ما كان هذا حالك!!!
وقالت معنى هالشي انتي مو انثى!!!! وجلست تجرح فيني بالسياره قدام كل اخواني!!!!
وقالت اصلا مافيك خير ولا عمرك سويتي الغدا ولا حلى للقهوه!!!! وانا يابنات دوامي يقضي 5 وارجع تعباااااانه!!!
ودااااايم ادق عليها بالطريق واسالها اذا مشتهيه شي اجيبه او اشري لها شي وتقول لي مافيك خير!!!!
قلت لها حرام عليك انا ماعمري قصرت بس ظروفي غير.. قالت الله لا يحيجني لك اصلا!!!!

وربي انقهررررت وسكت.. واخوي الكريه انبسط وجلس ينكت ويضحك بعد ما تهزأت..
رجعت البيت وبعد نص ساعه رحت ابكلمها وانا ابكي من القهر.. طردتني من الغرفه.. تقول ما ابي اناقشك!!!!
بعد ربع ساعه لقيت اخواني يتجهزون بيروحون البحر وهي بتروح معهم طبعا يتمشون ولا علموني!!!
رجعت لها اسألها ليه ماقلتوا لي اجي؟ ماتبوني اروح معكم يعني؟؟
قالت لي ذاك اليوم قلنا لك ولا جيتي فليه نقول لك كل شوي وعموما اذا بتجين السياره تكفي!!!!!!!

انا هنا انفجررررت قلت لها انا وش سويت لكل هذا.. ليه تعامليني كذا حرام عليك وربي نفسيتي تعبت..
بكيت بحرقه يا بنات وهي ولا همها.. قلت لها اني مضغوطه هالايام بشغلي وارجوها لا تتعب نفسيتي.. ولا اهتمت..
ولما قضى كلامي طلبت اضمها.. قالت ما ابي اضمك.. قلت لها لاتقسين علي.. قالت الا ابقسى كيفي!!!!

ورحت البحر وانبسطت ولما رجعت كلمتها مره ثانيه وقلت لها تراني جلست ابكي طول الوقت بسبب المشكله الي بينا..
قالت لي مشكلتك!!!! وجلست اناقشها واقول لها ليه كذا تتعاملين معي بقسوه والله تعبت..
قالت لي انا مشغوله لا تزعجيني وتضيعين وقتي.. طلبت مره ثانيه اضمها ورفضت وصدتني..
بكيت مرررره وهي حاطه رجل على رجل.. يابنات هذي امي مهما سوت معي ما ابيها تزعل وهي ولاهمها..
طول ما انا اتوسل لها وهي تهاوش وتتريق.. انا جلست ارجف واصلا انا تعبانه ومعي القولون العصبي ولا اتحمل..
وقفت وقلت لها يعني ماراح ترضين علي؟ قالت لي انسي اني امك احسن لا تكلميني ولا اكلمك..
قلت لها حرااااام عليك انا بنتك كيف انسى ووش سويت لكل هذا..
قالت عشان ماترادديني مره ثانيه بالسياره وانا اصلا عندي 5 غيرك ماني بحاجتك (تقصد اخواني)..!!!!
بكيييييييييت يا بنات.. والعن شي لما قالت لي وانتي مريضه نفسيا ويبي لك استشاري نفسي!!!!!!!!!!!
هنا ما قدرت اتحمل وبكييييييييت وصرخت هذا اللي تبينه؟؟ انتي مجرررررررمه.. مافي ام تسوي كذا ببنتها..


وطلعت من عندها وانا ارجف واصرخ وشفايفي بيض وحالتي حاله..
والمشكلة كان ابوي مسافر ورجع بعد ساعه.. طلعت اسلم عليه وعيوني مثل الجمر.. ورجعت غرفتي على طول..
حتى ماقدرت اجلس معه زي اخواني.. وهي جالسه وحاطه رجل على رجل تسولف وتضحك..


امي هذي تخرجت من الجامعه وجلست بالبيت ولا لها صديقات واهلها بمدينه ثانيه وجدتي وخالتي مقاطعينها..
اسلوبها شين مع الكل بس اقسى شي معي انااااااااا.. والله العظيم اكلمكم جد دايما تزفني بدون سبب..
والمشكله اني كبيررررررره الحين ماعدت اتحمل زي اول.. واظنها جد تبيني انجن والا اصير مريضه نفسيا..


بنات نفسيتي تعبااااااااااااااااانه ولي ساعتين بالغرفه بعد هالمشكله.. اعترف اني حساسه وهي تستغل هالنقطه..
ساعدوني ارجوكم لو بكلمه..


والله يجزاكم خير ولا يحطكم مكاني... :(