بنات تكفون ساعدوني انا في هم مايعلم فيه إلا الله

السلام عليكم
بنات بنت عمي عندها مشكله وبنقلها لكم على لسانها وساعدوها بتشوف كلامكم مشكورين.


بناات انا مخطوبه لولد خالتي ولي سنتين في الخطبه وهو متزوج قبل وعنده عيال
المهم انا اعشقه واحبه بشكل مو طبيعي روحي متعلقه فيه يابنات وهذا الشي دمرني اقسم بالله احبه اكثر من نفسي ومن كل شي في الدنيا كلامي هذا بس عشان تعرفون ليه انا اضعف قدامه


بقولكم قصتي وارجوكم لا تجرحوني اقسم بالله هموم الدنيا كلها في وجهي
اول شي حصل بينا خلاف بسيط طلبني اسوي شي ورفضت وزعل مني وقفل المكالمه وقال الله يسعدك على اسلوبك وارسلتله اعتذر منه قال وصل ياقلبي خلاص رجعت اتصل فيه يقول انا وصلت عند اهلي يعني مايقدر يكلمني وانقطع عني فتره وقفل جواله كنت ارسله سناب مايرد رحت ارسله على الماسنجر كنا نتراسل عليه قبل سنه وانا حذفته لان كثير ازعاج عليه المهم دخلت حسابه وشفت شي صدمني شفته ضايف وحده عنده بس هي المضافه الوحيده وانجنيت رحت اتصل وارسل مايرد انحرق دمي وصرت ارجف وابكي واصرخ يالله انكسر قلبي وهو مايرد ارسلت على رقمه الثاني وقال لا ترسلين هنا قلتله ضروري ترد ضروري الموضوع مايحتمل تأخير
تخيلو جاني بكل برود ويقول نعم ايش تبين
اعتذرت على سوء الفهم الي حصل وقلتله اني دخلت الماسنجر ارسلك فيه وشفت حسابك مين ذي وليه تسوي كذا تلخبط وارتبك وجلس يقول كلام مخربط
وانا ابكي مصدومه ااه يالله تعبت منه وقفلت ورجع يتصل ويرسل لحد اخر الليل ورديت عليه تكلمنا نص ساعة كذا انا اقوله ليه كذا ومين هي وليه تخوني وهو يحلف انه مايعرفها ويعتذر مني ويوعدني انه يسعدني ويعوضني عن كل شي تخيلو يقول اطلبي الي تبينه وانا حاضر فداك وانا اعاتب فيه مره جرحني هو جلس يبرر قال انها غلطه وكانت مره وقال انسي كل شي اعتبرينا انولدنا من جديد ويحلف ويوعد انه يصلح نفسه خليته خلص كلامه
قلتله انا تعبانه منك ولازم ننفصل جلس يبكي ويصرخ فيني قال اذا تركتيني وربي اذبح نفسي والله والله لسوي مصيبه اخلي كل الناس يدرون انك السبب والله ماتتركيني وانا ما اقدر اعيش بدونك وانتي روحي والله يلعن الدنيا اذا تفرقنا وكلام كذا انا انكسرت ماقدرت اتحمل اشوفه كذا قلتله وانا ما اقدر اعيش بدونك وقفلت المكالمه
اليوم الثاني اتصل فيني كذا مره ومارديت ودق على امي وكلمته كلمته بكل برود قال افتحي الكام فتحته جلس يتغزل فيني ويحاول يضحكني وانا دموعي تنزل بدون شعور قال وين الضحكه وين الترحيب ليه تغيرتي ياروحي طالعت فيه وقلت الي سويته انت مو قليل كسرتني بحجم حبي لك كسرتني جلس يعتذر ويقول وعدتك وانا عند وعدي و.. المهم قفلت وعلى حالي اليوم الثاني قلتله ضروري نتكلم كنت بعرف مين هي وليه يخوني معها وايش فيها زود عني كنت مقرره انفصل عنه بعد ما يقول كل الي عنده
وهو كان مشغول في دوامه وبيته وماقدر يكلمني واتصل اليوم الي بعده وتكلمنا في نفس الموضوع وقلتله اني عشقته وهو ما أوفى معي سالته هي مين جلس يبرر المشكله اني اعرفه زين واعرف متى يكذب تكلمنا كثير وقررت اعطيه فرصه ثانيه لأني احبه وتراضينا بعد وعود كثيره
المشكله بس ضمن رضاي وجلس يقول لا تزعلين مني وحقك علي بس انا بصارحك ياقلبي وافهميني انا في بيتي مشاكل وعند ابوي مشاكل وين ما اروح في وجهي مشاكل وهي السبب في الي انا وصلت له واكذب عليك اذا قلت اني مطوع واروح للمسجد وما اعرف بنات بس كلهم حقين شهوه ومالهم اي قيمه عندي وانتي روحي وحياتي ويستعطفني انفجرت فيه ليه تخدعني ليه تخطبني ليه تسوي وتسوي قال انا ماقلتلك عشان تعايريني هي غلطه قديمه في الاستراحه وانتهت وانتي تبالغين وردت فعلك مو طبيعيه وانا من سنتين ماغلطت ورجعنا لنفس المشكله وحلف ايمان انه يتغير عشاني وجلسنا اربع ساعات نتكلم وانا رضيت وصدقته على كثر حلفه لي
والحين اختفي سافر منطقه ثانيه ومعد يرد كنا متفقين نكلم بعض الصباح وماكلمني مقفل جواله والعصر قال كنت نايم واختفي مره ثانيه وللحين مايرد
يابنات انا فقدت الثقه فيه واشك انه راح لوحده من بنات الشوارع ماعاد اثق فيه ولا اقدر ابعد عنه ولا اقدر اتحمل الي يصير انصحوني ايش اسوي جاني اكتئاب وبس ابكي وخايفه