بنات تكفون ساعدوني خلاص بتطلق

السلام عليكم
يابنات انا لي 8 سنوات متزوجه واحد انا احبه اموت في ارضه وسماه يابنات كانت حياتي معه حلوه فيها مشاكل زي اي بيت بس قبل سنه زادت المشاكل بسبة زوجة اخوه متبليه علي بشرفي وصار خلاص مايطيقني وكل يوم يهددني بالطلاق وكل يوم يهيني ويذلني قدام عياله من زوجته الاولى مطلقها العيال اثنين يموتون فيني واهله بعد وخاصه ابو زوجي اسميه ابوي من حبي فيه ولي منه 4 اطفال اصغر طفل عمره اربع شهور طول الخمس شهور مايصرف علي ولا ينام معي واهو راعي مشاكل مع الناس وسلبي بس احبه ولا اقدر اعيش من غيره تخيلو الناس تطلع وتصيف وتتمشى وانا محبوسه مع طفلي ابو ريع شهور ياخذ عيالي ويطلعهم ويمشيهم ويجيب لهم كل اللي خاطرهم فيه وانا حارمني وعادي سكت بس اليوم ابوي تدخل وقال ياامساك بمعروف او تسريح باحسان قال خلاص بطلقها
انا هنا انهرت ليش بعد هالصبر يطلقني عيالي وعياله من زوجته الاولى يحزنون قطعو قلبي من صياحهم يوم اخذهم ابوهم مني تكفون قولولي وشلون اتصرف اهو يقول تبين ترجعين ارجعي بيتك لعيالك وبيضل الوضع زي ماهو وابوي يقول لا كرامتك انا مابي كرامتي ابي زوجي وابي عيالي خلاص ماعاد بربيهم خلاص ماعاد اقومهم الصبح وافطرهم واسرح شعورهم والبسهم مريولهم واستودعهم الله
خلاص ماعاد بنتظرهم يرجعون من المدرسه وافرح بجيتهم خلاص ماعاد بحضر حفل الامهات خلاص ماعاد احممهم خلاص ماعاد بسير عليهم لانامو والحفهم عن البردقلبي متقطع على عيالي تكفون يابنات وحدو الدعاء لي وادعو لي ارجع بيتي اليوم قبل بكره ادعو لي انام في حضن عيالي وفي بيتي ادعولي يابنات انا منهاره ماقدر اكل ولا اشرب عيالي عند ابوهم الحين طلعو من عندي محزنين ادعو لي وقت الفطور اني ارجع لزوجي وربي يحنن قلبه علي ادعو ربي يسخره لي ويجمعني فيه عاجلا غير اجل تكفون ادعولي دعوة المسلم لاخيه بظهر الغيب مستجابه