بنات تكفون طلبتكم

لا تروحي دكتور تغذيه ولا شي
ترا بالاول والاخير هدفهم مادي بحت

اسمعي كلامي وبتنحفي وماعاد تردي للسمنه

انا مو سمينه الحمدلله لاكن ملابسي ضاقت علي وسويت الطريقة ونحفت تخيلي باسبوع
وماتسترجعي الوزن اللي نزلتيه لا اعتبريه ماضي وانتهي
وانا الحين لي ثلاث ايام تاركه الطريقه وماسمنت
الحمدلله ياااارب

الطريقة هي الصيام العكسي
انا افطر بالجامعه واتغذا بالبيت وانام
وم اكل الا اليوم الثاني
جررربيه وتعالي بعد شهر قولي كم نقصتي
انتي ابدي من اليوم
واول ثلاث ايام جاهدي نفسسك حيل انك ماتاكلي بليل راح تلاقي نفسسك تعودتي خلاص
هالطريقة تجنن ويني عنها من زمان

جربيها وادعيلي اتزوج شخص بالرياض😭

جربي الصيام العكسي كثير يمدحونه والطامحه قالت إنها نحفت بنفس الطريقه
وماعندي رقم لأخصائيه للأسف لكن انتي تقدرين تتعبين أي ريجيم يناسبك بس المشي أهم شي نصيحه وبعدين لا تستعجلين النتايج أهم شي الوزن ينزل لو طول الوقت

البنات ماقصرو

اخصائيه التغذيه بتعطيك جدول غذائي وانتي تتبعينه ماراح تسوي لك شي سحري
تقدرين توفرين الفلوس وانتي جهزي نظام غذائي صحي ويحتوي الاطعمه اللي تحبين تاكلينها

قاعدة اساسية طبقيها اسبوع او 10 أيام ولاحظي الفرق

- امنعي الزيوت والشحوم والمقالي من طبخك ووجباتك واستبدليها بالمشوي بالفرن او المسلوق بالماء او مع صلصه حمرا .

- قللي النشويات واكتفي بنصف الكميه او4 إلى 5 ملاعق مثل الرز والمكرونه والبطاطس والمعجنات ويمكنك استبدالها بالبر او تعويضها بالخضار والسلطات حيث انها غنيه بالالياف وتشعر بالشبع وسعراتها الحراريه قليله جدا .

- قللي قدر الامكان ( اذا لم تستطيعي الامتناع يمكنك اخذ ملعقه واحد او قطعه صغيره مره بالاسبوع ) من السكريات والحلويات والشوكلاتات والعصائر المعلبه وزبدة الفول السوداني و المايونيز والحلاوه الطحينيه والطحينه .

- اكثري من الخضار والسلطات الورقيه في وجباتك اليوميه مثل كوسا قرنبيط بروكولي باذنجان ملفوف خيار طماطم خس جرجير سبانخ ، وتعتبر افضل الاطعمه غنيه بالالياف التي تشعر بالشبع السريع وسعراتها الحراريه قليله جداً اذا تم طبخها بدون زيوت .

- استبدلي الالبان والاجبان والزبادي والحليب والسكر والشابوره بنوع خاص للدايت / قليل دسم .

- كميات الاكل بكافة الوجبات للنشويات واللحوم والفول والعدس والتونه قلليها لنصف الكميه اللي تاكلينها حالياً مثلاً الاكتفاء بـ4 أو 5 ملاعق رز أو مكرونه ، 3 ملاعق من الفول او عدس ، نصف علبه تونه ، نصف صدر دجاج ، بيضه واحده او 2 بياض مع واحد صفار .

- الاكثار من الماء طوال اليوم لملأ المعده والتخلص من الرغبه الغير ضروريه للاكل واخراج السموم .

خلاصة النظام هذا وهدفه تقليل السعرات الحراريه في الوجبات واختيار اطعمه سعراتها خفيفه وبنفس الوقت بدون جوع او حرمان .

مثال لو امتنعتي عن الزيت و المايونيز والطحينه والحلاوه الطحينيه و زبدة الفول السوداني والنوتيلا بتكونين خففتي سعرات من اكلك لانه لكل ملعقه من اللي ذكرته 100 إلى 120 سعره حراريه !!


واكيد لاتنسين الرياضه اقل شي هروله او مشي سريع مع الهروله كل 3 دقايق حتى ترتفع دقات القلب ويبدأ الحرق او اي رياضه او رقص يرفع دقات القلب ويخليك تلهثين افضل بكثير من المشي البطيء لمدة ساعه


بالتوفيق

الله يرزقك بالي تتمنين