بنات تكفون عطوني حل مع زوج امي

السلام عليكم ورحمة الله وبركاته
انا والدي متوفي بعد ماتوفى الوالد تزوجت الوالده واحد مو من الجماعه يعني غريب
بعد ماتزوجته رحت معها لمنطقة تبوك مكان عمل زوجها
زوج امي كان متزوج يعني امي هي الزوجه الثانيه
زوجته الأولى عليها 6 عيال 2 منهم متوسط وثانوي و 4 الباقين في عمر الثلاثين
مرت السنين وصار عندي اخ من امي واحد بس وما عندي أخوات ولا إخوان إلا واحد وهو أخوي من امي
مرت السنين وكبرت وكبر اخوي ويوم صار عمري 14 سنه توفت الوالده وأخوي عمره 8 سنوات
بعد ماتوفت الوالده طبعا كان لازم نقسم الإرث فأنا عندي معاش ضمان اجتماعي بحكم ان والدي متوفي
وعندي أغراض في بيتنا في تبوك والإغراض الوالده الله يرحمها هي جابتها لي
جاء زوج امي واحنا ما ندري وطلع اثاث البيت كله ومع اغراضي وصور العائلية
وباع كل الأثاث وكل اغراضي وأخذ فلوسها طبعا مو من حقه بعد هاذي الحركه اللي سواها حسيت الثقه مستحيل ترجع نهائي
بعدها صار فيه صلح بيني وبينه بس مافيه ثقه المهم بعد ما توفت الوالده رحت انا وأخوي عشنا عند جدتي أم امي
بعد سنتين توفت جدتي وعمري 16سنه
واخوي 10 سنوات اللحين انا أحس بخوف فراق لأخوي بحكم اني انا من عايله واخوي من عايله فقرروا يخلوني انا عند عماني واخوي عن أبوه في تبوك يعني انا في منطقة وهو في منطقه انا رفضت رفض تام
وانا ماني مرتاحه حتى لو كانوا بالقوة يأخذونه
ليش لأن زوج امي يأخذ شيشه وكان يخلي واحد من عياله ال 6 يسوي الشيشة له يعني يخلي ولده يسوي له الشيشه واكيد أن أولاده راح يسوون زي ابوهم فإذا اخوي راح هناك راح يحط هذا الشيء في رأسه ويسوي زي أبوه
طبعا بيني وبين وحده من بناته أكبر مني بسنه ثغور يعني القلوب شوي ما هي صافيه
سؤالي....؟؟؟
هل اخلي اخوي معي ومهما صار ومهما كان ما أتركه ...؟؟ خصوصا أني ماعاد أثق فيه نهائي
الوالده قبل ماتتوفى عطتني وصيه لأخوي
اللحين انا متوتره وخايفه من فقده فيه حل 😢😢😢