اولا انا من دولة خليجية مو سعودية وابي افهم شيء هو انه لي قريبة صغيرة تعرفت على واحد وقالت
لي على العموم زعلت عليها وخفت وايد باختصار قلت لها لو عنده اخوات جان رضى احد يكلمهم ويقول
كلام حب واخره وهي توها 16 سنة المهم ما اقدر اقول حك امها لانها مريضة والبنت مو من النوع اللي
يدور على الحب ويوم قلت هالكلام السابق قالت لي محد يفكر بههالطريقة والكل صاير يتعرف بهدف
الزواج بس ما يقولون طبعا يعني يعيشون قصة حب وتعارف وانه اصغر منها بعد يسوون جذي وانا ربعي
بعد جذي وكلهم تزوجوا ما عدا انا اللي تامة اشوف هلي وشغلي المهم انا مو متذمرة من كتبت الله مع
اني سنتين وادش العنوسة المهم ما اعرف شنو اسوي ويمكن اذا عاندتها تسوي امور انا ما اعرفها ولا
تقولين قولي حك اهلها لاني على تربيتي معاهم بس مستحيل يصدقوني بس لان ما يبون احد يقول
شيء عن بنتهم انا لو اقول لها كلمة ادبها على لسانها يقولون عادي مو اول مرة تسويها والبنية لاتظنون
انها سيئة علشان لسانها ترى قلبها طيب واايدبس اذا تبي شيء ما تهتم والمشكلة الثانية اني حاز في
قلبي الكل تزوج بسبب التعارف الزين او الشين واغلبية الشينين وانا ما ابي اقول هالكلام علشان
اضرهم بس الريال صار ما يهتم بالاخلاق واايد فهو يصبر على الاخلاق السيئة للمراة مادامت جميلة جدا
واذا تبون تقولون ان المتدين غير فانه حتى هو يبحث مع الاخلاق البنت الجميلة التي تلعب بمشاعره وانا
بصراحة شفت ناس وايد انهزوا منهالشيء لان البنت الحلوة في الافراح او الاعراس هي اللي تلاحظها
الام حماتها وتقول ماشاء الله وانا ما ابي اظلم واقول ان البنات الحلويين سيئات الاخلاق بس الحين
المظهر هو اول شيء يهتمون فيه وبصراحة ما افهم عقلية الناس وانا ابي افهم عقليتهم لاني ياية من
العصر الحجري فممكن تقولون بصدق شنو صاير بهالدنيا يعني اذا ما كنت بنت ناس معروفة او جميلة مو
لازم صاروخ والله ان الناس واعذروني يروحون عيادات تجميل نفخ والخ بس من كثر مهم متعقدين فالريال
من كثر ما يشوف البنات الحلوة والله لو شنو تزوغ نفسه فيحط بزوجته انت كذا والبنت اللي شفتها واو
مسوية ما ادروا شنو بنات دخليكم لا تكذبون على وتعطوني ادلة غير واقعية عن هالشيء صج اني ما
شفت الدنيا ولحين وراي مشوار بس تعقدت فانا مو متدينة وفي نفس الوقت ما اني متحررة يعني وسط
بس ود افهم هل الحياة تغيرت وانا احط على دراستي والكتب وصارت الناس ما تاخذ الا تتفاخر بجمالها او
مستواها تراني احس شوي اني عبيطة وبنات انا بقدم على بنك وابي اعرف شلون اتصرف مع الجنس
الاخر فمو معقولة ما اتكلم معاهم وكاني صنم وانا جذي اذا احد كلمني استحي وصير مثل الصنم وشكرا على تفاهمكم ورجاء من لها نصيحة تنصحني من دون تجريح
ام_فيصل2020 @am_fysl2020
عضوة جديدة
يلزم عليك تسجيل الدخول أولًا لكتابة تعليق.
ام_فيصل2020
•
بنات تكفون ردوا على
ياقلبى الله الموفق واللى ربي كاتبة بيصير الشكل الجميل نعمه صح لكن الداخل اهم وابقى عفة البنت ودينها ورزانتها اهم فى البداية يبهرهم الشكل لكن فى النهاية يبون الخلق اللى يسعدهم العمر كله ويحتويهم لان سرعان مايمل حتى لو كانت اجمل وحده اقنعى نفسك بان كل شئ مكتوب لاشكل ولاغيرة له دخل لاتشوف قدم ولاساق فان الله مقسم الارزاق
الصفحة الأخيرة