@هيبة ملك@ @hyb_mlk_3

محررة برونزية

بنات تكفون وش الحل مع صديقتي اللي سحبت علي!!!

اهلين بنات ...صبحكم الله بالخير...

ماعرف اللف والدوران ولا المقدمات الطويله العريضه بدخل بالموضوع ع طوووول<<<بس اتمنى ماشوف رد جاارح تكفوون لاني حساااااسه والله...

بنات انا تعرفت ع وحده المهم طلعوا اهلنا يعرفون بعض من ايام الطفوله ....الخ من محاسن الصدف..من تعرفنا انا واياها وحنا مرتاحين لبعض..انا شفتها عند جارتي وتعرفت عليها هناك وارتحنا لبعض صرنا نتزاور الخ...

والبنت والله حبوووبه كنا نكلم بعض شبه يومي او بالاسبوع مرتين ثلااث ع تواصل داااائما ...اسردت لي قصة حياتها وبدايه زواجها وانا نفس الشي يعني كاانا نعرف بعض من سنوات...

يابناااات فجأه البنت تغيرت تصدقوني لو اقولكم لي سنه ونص ابي اكلمها ماترد ...او ع طول تصرف من دقيقه!!!

تخيلوا الاعذار مره انا برجي بهالشهر يخليني ماحب اكلم احد الله واكبر اللحين انا صرت كذا!!!حتتى خفت عليها وقلت لها بخلي زوجي يجيب لك زيت ومويا مقري فيها يمكن فيك شي لان البنت جميله ماشاء الله عليها...

دقيت عليها برمضان ماردت ارسلت لها مسج ابي اطمن عليها وع عيالها ماردت اليوم الثاني قلت لها لايكون فيكم شي لاسمح الله ...

ردت بمسج كذا...(انا مشغوله مع عيالي وزوجي واهله)!!!انا وجهي:oمشغوله حتى برد مسج؟؟؟

تدرون انها قد سوت عمليه اول شخص كلمته قبل موعد العمليه انا!!قالت لي قبل اهلها واهل زوجها قلت لها زعلتك بشي قالت ازعل من الدنيا وانتي لا بس فيه تنااقض كبير...!!!

انا سويت عميله بسيطه سوت لي عشاء بعد العميله الظاهر 8 شهور معليش اصلا انا ماحب اكلف ع احد بس تخيلوا قالت بنات ثاني مره مانبي عشااء زين حسيت اني غثيتها وهي دائما تسوي عشاء بالجمعات العاديه انا اقووول لها مالي داعي وهي ترفض يوم سوته علشاني قالت لي كذا وانا طالعه مع الباب يالله تعالي لي مره ثانيه بس بدون عشاء...انواع الاحراج...

المهم بنااات انا ادق على بيتها بالاسبوع كذا مره ..مره نايمه مره طالعه مره مقفله الغرفه عيالها يقولون لي طيب...بعذرها بس مو سنه ونص سااحبه...تكفووون بنااااااااااااااات تكفووووووووون قولوا لي وش السواه..

لاتقولون ان نشبه او مزعجه بس اذا حبيت شخص وتعلقت فيها وبيننا علاقه حلوه ماحب انها تصير ولاشي حرام الدنيا مافيها خير ...وش تشيرون علي اقطعها او اسحب عليها سحب كم شهر والله ماسالت عني وانا مابي اخسرها لانه معدنها طيب ...وش اسوي فيها؟؟؟

39K

يلزم عليك تسجيل الدخول أولًا لكتابة تعليق.

تسجيل دخول

كااان • 15 سنة

اختي بسالك قبل انتي متزوجه
وعندك عيال مثلها ولا لا

همي ماله حدود • 15 سنة

طيب امكن تمر بظروف صعبة امكن عندها مشاكل البيوت اسرار ولاتبي تبين لك وهذا منعكس علي نفسيتها وتفضل تنعزل عن الناس انا عن نفسي اذا تعبت نفسيتي اسحب علي الناس واقفل جوالي احيانا اجلس 3شهور علي هذاالحال احتاج اجلس مع نفسي لين ماتعدي الازمة امكن هي من ذا النوع خليها لين ماتصير هي تدق عليك لاتضغطي عليها

@هيبة ملك@ • 15 سنة

كااان :

اختي بسالك قبل انتي متزوجه وعندك عيال مثلها ولا لا

اختي بسالك قبل انتي متزوجه وعندك عيال مثلها ولا لا

ايه متزوجه وعندي عيال الله يحفظهم واحنا تعرفنا ع بعض بالمنطقه لان ازواجنا يشتغلون مع بعض بعيد عن اهلنا...

@هيبة ملك@ • 15 سنة

همي ماله حدود :

طيب امكن تمر بظروف صعبة امكن عندها مشاكل البيوت اسرار ولاتبي تبين لك وهذا منعكس علي نفسيتها وتفضل تنعزل عن الناس انا عن نفسي اذا تعبت نفسيتي اسحب علي الناس واقفل جوالي احيانا اجلس 3شهور علي هذاالحال احتاج اجلس مع نفسي لين ماتعدي الازمة امكن هي من ذا النوع خليها لين ماتصير هي تدق عليك لاتضغطي عليها

طيب امكن تمر بظروف صعبة امكن عندها مشاكل البيوت اسرار ولاتبي تبين لك وهذا منعكس علي نفسيتها وتفضل...

طيب معليش 3 شهور مو سنه وعليها والله...بعدين سوالف العشاء والاحراج اللي انحطيت فيه...

وصدقيني انا وقفت فتره طويله والله اذا جيبت بتصل احلف ابعد يدي بس حنيت لها ولسوالفها ...واتصلت قلت هالمره اكيد يتقدرني لاني انقطعت عنها وخليتها بعد اكثر من 4 شهور بس يوم رجعت نفس التصريفه والسحبه

@هيبة ملك@ • 15 سنة

هلا بقميه كوول اسعدني ردك والله وانا احب مواضيعك كثير وردووودك...

يمكن قسيتي علي شوي ...بس اقولك لك زيارتنا وصداقتنا دامت اكثر من 3 سنوات...وفجأه تصير كذا ...

وبالعكس البنت كانت عايشه مع زوجها برا وزوجها فري ولاعنده ولاعندها اي مشكله من هالناحيه ..

بس اقنعتيني بكلامك ...انه فعلا اللي معدنها طيب مستحيل تسوي اللي هي سوته...