بنات تكفوون مين زوجها يعرف بالعقار؟؟؟؟؟؟

هي الحين حصلت البيت اللي تبغى تشتريه وإلا لا ؟

إذا كانت حصلت البيت تعطيهم عربون على البيت وتعطي نفسها مهلة عشان تسددهم الباقي مثل شهرين مثلا .

وماله داعي تربطهم هم نفسهم ببيع بيتها واستراحتها فغيرهم كثير .

( وياليت لو كانوا بالرياض تراسليني لأنه أعرف واحد يدور على استراحة )

مشكور اخوي ماقصرت وللاسف هي بالشرقية مو الرياض
وهي حصلت البيت بس ما تقدر تدبر المبلغ الا لما تبيع البيت والاستراحة وهم رضو بالحركة هذي بس ماادري اذا انها عادي ولا فيها مشكلة ......

شوفي يا اختي يا ام السواليف .

أنا خوفي إن المكتب مادام إنه داري إنها محتاجة لبيع ممتلكاتها ( بيتها واستراحتها ) عشان تسدد قيمة البيت اللي حصلته .
إنهم يشترون هم ممتلكاتها باسم خويهم بسعر أقل من اللي تستحقه .

لذلك أسلم طريقة أرى إنها مناسبة إنها تدفع عربون لراعي البيت وتقول له والله بقية المبلغ لين أبيع ممتلكاتي يعني حدود شهر أو شهرين وتعرض ممتلكاتها عند أكثر من مكتب ولا تعطي أي مكتب أصول الصكوك بل تعطيهم صور من الصكوك أو ولدها يعرضها ويشترط نصف السعي على المكاتب ويقول له هذا مهو ملكي ملك الوالدة وأنا بصراحة أبغي أكون شريك معكم بالسعي يعني نسبة 1.25% من كامل القيمة ) . وأفضل لها تحط إعلان بالجريدة المشهورة بالدمام نهاية الأسبوع ( ما ادري يمكن الندوة على ما أظن والا الإقتصادية ) حتى تحط رقم ولدها مثلا عشان هو يستفيد بعد من السعي إذا باع ممتلكات أمه ( يعني يشترط سعي على المشتري بالنسبة المعروفة للسعي وهي 2.5% ) .

والا تبيع متلكاتها وتدور على بيت وإذا كان البيت اللي محصلته الحين من نصيبها والله ماراح يشتريه غيرها . وتشترط مثلا إنها تجلس ببيتها القديم 6أشهر مثلا لين تلقى بيت ثاني .

( تراني اتكلم معك بسعي وما سعي نفس تفكير المكاتب يعني أتخيل نفسي بنفس الجو وجالس أكتب )

الله يجزاك خير ويوفقك ماقصرت