بنات تكفووون وش اسوي مفااااجاه

وعليكم السلام ورحمة الله وبركاته

اذا كنتي تومنين على أم زوجك ناقشيها في الموضوع وقولي وش رأيك ياخالتي وش الترتيبات اللي لازم أسويها ولا تبينين لها انك متضايقه أبد

والله يجزاك خير ويكتب لك الأجر وراح يقدرون لك هالشي

رفع لعيونك

الله يعينك

حنا الحمدلله زواج البنت على زوجها

مال اهلها دخل فيه

أهم شي القهوجي بجميع معااااااااااميله

والباقي يهون

سفرة العشاء طبعا بتكون ذبايح جهزي الأغراض اللي له

من صحون كاسات ملاعق سكاكين ورتبي للعشاء يعني الترتيب

من الصباح تجهزين غرفة الطعام "المقلط" يكون نظيف ومتكتك وفيه جميع الأغراض

كاسات موية ـ فاكهة - مناديل - المشروبات الغازية ......... إلخ

يعني لا تشيلين هم عليهم لكن أنتي جهزي بيتك وبس

والبخوووووووووووور لازواج بدون عود

الله يوفقها ويسعدها

.....

شوفي احنا زواج الرجال مافيه تكلفه ابد
اهم شي القهوه والتمر حطيه في علب بلاستيك
وجهزي كم صينيه كبيره حطي الفناجيل و البيلات
اما القهوه المفروض يكون تجيبون واحد يسوي القهوه والشاي
حنى نسميه القهوجي ويجلس بالحوش يجيب منقل النار ويحط فيه الدلال والشاي
اوجه.....
اذاكان فيه عشاء يكون رسمي العشاء والفواكه واذا حابه عصيرات ولبن وماء كلها معلبه اريحلك بالتنظيف
وحنا نحط جريش زسلطه خضراء اذا كانو الرجال قليلين اما اذا كثير مالوا داعي
وبس الله يوفقك
ولا تنسين التنظيف عدل مدل جيبي شغاله بالساعات
واهم شي لا تنسين البخور
وياليتكم خلتوه في استراحه صغيره اريح ....:icon28::icon28:

اهلين حبيبتي
ما شاء الله تبارك الله
الله يجزاك خير
و عقبال ما تجهزين زواجات عيالك بالسعاده و العافيه

حبيبتي
اكيد بتجيبون قهوجي و صبابين مع معاميلهم

انتي عليك تنظيف البيت و تعطيره
و وضع بعض اللمسات من التحف فيه بطريقه ناعمه و بدون تكلف

و تجهيز المغاسل و دورات المياه باللازم
مناديل , فوط , صابون سائل بعلب حلوه , سلات صغار للورد المجفف

دواسات و فرشات صغار موزعه على المغاسل و في دورة المياه

طاولة بعد الأكل على طرف المغاسل بها عطور و انواع من العلك و اللبان و الحلاو الصغار بطعم الفواكه و المناديل المعطره

جهزي المباخر و البخور

صواني الشوكولا , علب التمر الصغار موزعه على الطاولات الجانبيه , صواني لتوزيع كاسات الماء

و ممكن تزينين الطاولات الكبار في المجلس بباقات ورد طبيعي

و بالنسبه للعشاء بيكون من برا
و المطعم ممكن يوفر لكم الطاوله بالضيافه ( صحون , كاسات , ملاقع و شوك و سكاكين .... )
لكن يا ليت تكون الطاولات في الحوش و يكون فيه مظله خبرك هالأيام احتمال المطر واجد الله يرزقنا الخير
و ممكن تجهزين المجلس الرئيسي للرجال و معاه المقلط تنقلين فيه طقم الجلوس حق النساء لأنك ما تدرين يمكن يزيد عدد الرجال و ينحرج زوجك فافضل كل شيء يكون مرتب من الأول

هذا اللي يحضرني الآن و اذا احتجتي اي شيء لا تترددين
الله يتمم لكم خير
اختك القمر_1