اختي ام انس لاتفكرين بفكرة الزواج بالنتنهائياً ومصيييييييير زواجك منه الشكوك والضياااع والندم ...عالجي مشكلتك دامك في اولها وسكري ايميلك هذا وافتحي غيره والجئي لربك قبل كل شي لأن التوبة اهم مافي الموضوع...والله يفرج همك يارب..

اختي الكريمة .. ام انس

قصتك ليست الأولى ولا الاخيرة .. نفس السينايرو والتفاصيل وكل شي تقريبا

تقولين ندمانه ومابيه ..اصدقك

لكن اقدر احس بمشاعرك وانك ما تملكين القلب المعجزة

لأنك بعد هالجلسات والمشاعر والاعجاب مو سهل عليك تنسين بهالسهولة

لكن خلينا نجرب نشوف ما وراء الكواليس .. وبعدها فكري ..

اختي الفاضلة

اتخيلي معي ..

مروج يبي يطيح واحد في المخدرات.. هل بيجي وبيقول تراني انا مروج مخدرات

وانا اضمر لك الشر وابي ادمر حياتك عشان توفر لي الفلوس وبالطقاق انت وحياتك؟!!!

طبعا لا... بتتفاجئين ان المروج هذا غالبا ما يكون وسيم ومرتب وظاهره الاخلاق

والكرم ملااااك .. ملاك والحافظ الله..

يعني هل الرِجال بالغباء الي يخليهم يينسحبون مع المروج لين يصيرون مدمنين

واحيانا يكونون اباء ومسؤلين عن عوائل

هل هم بهالغباء السهل؟؟..

ما قدر المروج هذا يسحبهم الا بإدعاءه لهم بالطيبه والعفوية والبراءة

فعشان كذا لا تتوقعين من واحد ناوي يصيد انه بيقولك تراني واحد شيطان وناوي عليك

اكيد انه بيتلبس بلباس الاخلاق وبيسوي لك تمثيليات تثبت اخلاقه عندك

ولا تتوقعين انك اذكى من البنات الي راحوا فيها قبلك

ترا كلهم انخدعوا مثلك وبنفس الخطوات الي قاعده تمشين فيها مشوا فيها

وبنفس التدرج لين ما شافوا انفسهم الا وهم قاعدين معهم على القهاوي او المطاعم

وشوي شوي لين تصير الفاجعه ثم يطلع لك بوجهه الحقيقي المروع

واخر همه انت وسمعتك وعائلتك

والنوعية هذي من الشباب ماعنده مانع يقعد ويتحمل سنين..عشان يطيحك

وطريقة تعاملهم مافيها ضغط علشان لا تطفش البنت

اولها ارقام مقتصره على رسايل

وبعدها بيترجاك تكلمينه ولو بكلمة الو

وبعدها تصير سواليف اخوية بريئة

وبعدها يترجاك يشوفك بس من بعيد

واذا انت في دوامه ما يعلم بها الا الله

....

لكن الحمدلله انك بعدك فيها واتمنى فعلا ما تنساقين وراه

بالنسبة للشي الي مخوفك وهو ان رقمك عنده فانا اقول سكري جوالك فتره

اذا كان عندك اخت تحسين انها ممكن تتفهم وتساعدك بحكمة شاركيها في مشكلتك

لكن اذا كان عندك شك اصبري.

في كل الاحوال انت الحين بأمان طالما انك ما استمريتي معه ولا طاوعتيه.

اذا حصل تطورات ...

وما اظن انه بيحصل ان شاءلله ..

لأن غالبا مجرد ما البنت تعزم تبعد وتكون جاده يتركونها

لكن فيما لو..

كان انسان ما عنده كرامة واخلاق وفكر يهدد ممكن اساعدك بإني ازودك برقم رجال الهيئة

فيه منهم ناس يساعدون البنات الي متورطين بالطريقه هذي ويسحبون الشاب

لين يمسكونه لك ويكفونك شره ..كل هذا واهلك ما يدرون عن شي

يسترون على البنت ويخافون عليها واهم شي يحمونها من هذول الذئاب لا يؤذونهم

اسئل الله لك الفرج القريب والتوفيق والسداد..

حبيبتي أم أنس يكفي إحساسك باندم لأن كل انسان معرض للخطأ ومافيه شجر ماهزه ريح ... ومعرفة الخطأ هي أول خطوات حل المشكلة ، لكن الشي اللي أتمنى تسوينه مباشرة إنك تغيرين إيميلك وما تكررين خطئك مستقبلا ،، الشي الثاني غيري رقم جوالك وعلشان ماتلفتين انتباه الأهل قولي ودي أطلع رقم جديد من موباليلي مثلا لأن مميزاتها كويسه ،، وإذا ماتبين أهلك يعطون رقمك لأحداحرقي الشريحة ببساطة دخلي رقم سري خطأ حتى تنحرق !! وبكذا تقطعين عليه أي خط للعودة وغنسي انتي رقمه تماما وحاولي تنسين اللي صار ولا تضيقين صدرك أكثرمن كذا لأن الله عز وجل يغفر لمن تاب وتذكري أن الحسنات يذهبن السيئات وأن المسلم إذا تاب بدل الله سيئاته حسنات وهذا من رحمته تعالى ....وأننا بشر لو لم نذنب لأذهبنا الله وأتى بأقوام يذنبون فيستغفرون فيغفر لهم ،،
:26: همسة : أي شي يبدأ غلط من المؤكد إن نهايته بتكون غلط !!

الله يجزاكم خير ولي اسبوع تاركته والحمد لله لارسالة جوال ولا مكالمة ولاشي
امام الجوال مااقدر الغيه بخليه معي وبقفله فترة وانشاء الله ينساني ويفكني الله من شره
ومشكورين ياقلبي على نصايحكم الله يوفقكم بالدنيا والاخرة يارب
أحبـــــــــكم