بنات تكفووووووون ابغى حل كل مازينت فطاير طلعت يابسة

يمكن تكون درجة حرارة الفرن هادئة
لو يمكن تفتحين العجينة رقيقة جدا بحيث تتيبس بالفرن و بالحرارة !!!!

اما اذا تريدين مقادير ثانية - مع ان البنات هنا كلهم يمدحون في عجينة العشر دقائق -
هذي مقاديري استخدمها من سنييييين طويلة و مرتاحة عليها و كل من اخذتها نجحت معها تماما :

2 كوب حليب سائل دافئ
1 كوب زيت
3 بيض << البعض يستغربون لوجود البيض !!!
8 كوب طحين
خميرة - 4 ملاعق اكل
رشة ملح و سكر

اعجني المواد و اتركيها ترتاح و تتخمر
و اشتغلي بيها كما شئت

بالاضافة الى كل انواع المعجنات المالحة ..انا اسوي منها السينمون رولز و الدونات ايضا !

بالتوفيق ان شاء الله

مشكورة حبيبتي طيب كم تجلس تتخمر ومقدارهاكثير ولالا

مقداررها بالنسبة الي مو كثير
يعني متعودة دائما اسوي هذا المقدار حتى اقدر افرز منه جزء !!
او من يكون عندي ضيوف اسوي منه معجنات انواع
و احيانا اضاعف المقدار

لكن انت كتجربة اولى اقسمي المواد
و البيض مثلا اضيفي بيضة وحدة كبيرة
او بيضتين صغيرات مثلا

او اخذي بيضة و بياض بيض ..و الصفار استخدميه لدهن وجه المعجنات قبل ادخالها الفرن

اما المدة التي تختمر فيها
فحسب الجو
ان تكون في مكان دافئ مثلا ..او بارد
انا عادة اضعها في المكرو ويف و اشغله 10 ثواني ..او 15
و طبعا استخدم حليب دافئ - مو مغلي كي لا يقتل البكتريا في الخميرة -

بس عادة تاخذ نصف ساعة و تختمر !

أنا بعد مااخرجها من الفرن احطها في حافظه طعام وهي حاره بس لاتقفلين عليها مره خلي فتحه بسيطه شوي وخرجيها تكون لينه مره

تبغين الفطاير تطلع لينه خليها تبرد عشر دقايق بعد ماتطلعينها من الفرن وحطيها في حافظه.
جربي عجينة هند الله يجزاها خير من المنتدى تطلع طريه وبالتوفيق*