بنات تلاحظون شي في هالزمن .!!

السلام عليكم ورحمة الله وبركاته


بنات ماتلاحظون في هذا الزمن رغم كثرة وسائل الترفيه الا إنا دايم طفشانين

تلقين الكل عنده تويتر وانستقرام ومسن البلاك وواتس آب وكييك وغيرها وغيرها
ونتواصل مع ناس كثير في هالبرامج ومع كذا طفشانين دايم وتحسي الحياة مالها طعم

مرة كتبت في محرك البحث حق تويتر كلمة طفش ماتصدقون كم اللي لقيتهم كاتبين هالكلمة رغم ان تويتر بحر فيه هاشتاقات نقدر نتكلم في مواضيع زمان ماكنا نتكلم فيها


استرجعت ايام زمان ماكانت فيه هالبرامج ولا حتى قنوات في التلفزيون مافيه الا القناة الأولى وماكنا نطفش

مدري العيب فينا والا في زماننا
الحين حتى اذا رحتى مناسبه كل وحده ماسكه جوالها وتطقطق فيه والا توري اللي جنبها ويتكلمون ويضحكون والباقي ساكتين ،،صرت مثلهم امسك جوالي وافتح كل البرامج وكلها صارت ممله ونرجع لنفس الدوامه البرامج ممله والناس صايرين ع الجوالات حتى صلة الرحم صارت عن طريق الواتس ماعاد فيها زيارات مثل قبل

وش رآيكم ،،ووش الحلول برأيكم