اخباركم خواتي ....
انا غايبه عنكم من مده بس رجعت لعيونكم وعلشان اساعدكم في رمضان الله يبلغنا الشهر الكريم
اذا قلنا رمضان شهر عباده هذا صحيح لكن لابد من الحوسه والتعب والوقت غير الي ما عندها شغاله ....
:angry: + :time: + :09:
انا اليوم حابه افيدكم في تقسم اوقاتكم وبأذن الله بتشكروني وتدعون لي ليل نهار
1\ اول شي ابدي قبل رمضان بأسبوع او ثنين
2\ اعرفي نفسك من اي نوع من الناس انتي هل يجيكم ضيوف برمضان ولا لا هل تتبادلين الاطباق برمضان مع الجيران او لا
3\ عندك شغاله او لا عندك خوات ممكن يساعدونك ولا توقفين بالمطبخ لحالك
وعلى هذي الاساس نبدأ
اول .. اذا ما عندك شغاله او ضيوفك كثير او تتبادلون مع الجيران المفرزنات ضروريه طبعاَ انا ضد تفريز البصل او الاخضار او الصياني ...الخ لكن فرزي الاشياء الي ما تضر مثل السمبوسه + الكبه + اصابع الجبن + فطيرة التفاح + عجنة فلافل + كفتة البطاطس ..الخ
طبعاَ تقدرين تبدين قبلها بأسبوع او اثنين انا شخصين نتجمع انا وخواتي كل بعد يومين عند وحده منا ونفرزن لها ونسوالف متعه نعبي فريزها وبالدور وطبعا الاغراض والمقادير عليها تجهزهم لين نوصل نتقهوا وعلى طول نفرزن لها والزيياره الجايه عند الثانيه وهاكذا
تقدرين انتي وصدقاتك جاراتك انت وامك وخواتك
وطبعا الي ما تعرف او ما تقدر تقدر تشتري من حريم يبيعون مفرزنات
وبكذا اي ضيوف او مفجأة عند بالفريز طلعي واقلي عشر دقائق مجهزه لضيوفك كل شي واذا جاتك طعمه من جيرانك طلعي واقلي وحطي لهم وارسليه
.............
2\ قبل رمضان بيومين ثلاثه ابدي بالبيت اذا ما عندك شغاله طلع مواعين المطبخ حقة رمضان عسليهم وحطيهم بدروج المطبخ قريبه منك
ملاجظه انا ما عندي شغاله استخدم بلاستك ملاعق وصحون وسفر وبالزباله على طول لنا واذا جونا ضيوف اطلع الزين وبكذا ثلاث ارباااع الصحون تخلصتي منهم عاد الان الصحون البلاستك صايرات الوان واشكال تهبل
رتبي المجالس وعسلي كاساتهم وفناجيلهم وغطيهم بفوطه نظيفه او سفره وحطيهم بصيانيهم وبالمجالس علشان يبقون نظيفات وتشيلون همه وتنسينهم طبعا عند يومين ثلاثه يمديك تنظفين البيت كله
3\ رتبي جدول باسم الايام وعلقيه على باب المطبخ اسبوع اليوم الاول السبت مثلاَ شوربا عدس + سمبوسه + صينية مكرونا بالباشميل + كبه + كريم كرمل
الاحد مثلاَ شوربا كويكر + بيتزا + لقيمات + صينية خضار + حلا عشاء ........الخ طبعا لا تنسين عددكم لا تسوين كميات كبيره وبكذا ما تقعدين نص الوقت تفكرين
(( الي عندها عيال العصر هذا فتره ابوهم يا خذهم يا يطلع معاهم الحديقه او يلعب معاهم بغرف او بالحوش بعيد عن المطبخ وتفاهمي مع زوجك على هذا الاساس العصر فترة شغل خذ الاولاد عند )) وبترتاااحين من ازعاجهم بسم الله عليهم
وعلى فكره انا شخصين اصلي الفجر واروح اعجن عجينة فطايري وبعدها بالثلاجه تحت واروح انام اذا قمة الظهر
اطلع عجينتي اصلي واقراء قران الى الساعه 2 مثلا وبعدها ابداء اجهز بصل بالصحن له غطاء كمية كبيره يكفي اليوم كله حتى السحور ونفس الشي الثوم والطماط والبقدونس وسكرهم وبالثلاجه اخذ منه متى ما ابي لليوم كله بكذا يكون طازج وريحته فيه اطلع اللحم او الدجاج وابداء
احلف بالله يا بنات قبل نصف ساعه من اذان المغرب ويمكن اكثر خالصه ترتيب السفره اتوضى واقعد عند سفرتي وبدي مصحفي الى يأذن
طبعا عندي وقت راحه كثير ممكن تنامين بهذي الوقت او تغسلين ثياب ( طبعا خصصي فقط يومين بالاسبوع غسيل مو يوميا وانتبهي لهذي النقطه علشان ما تتعبين بين المطبخ والغسيل ) او ممكن تمسكين مصحفك او ممكن تطالعين التلفزيون وطالعين مسلسلات
حنا ناس نتعشى الساعه 11 باليل عندي وقت كافي اجهز صينية مكرونه او خضار ..الخ شغلة ساعه بما ان كل شي جاهز عندك من لحم وبصل ..الخ طبع الحلا اسويه فترة الظهر واخليه بالثلاجه
طبعا اذا عندك شغاله الموضوع سهل اذا لا عند خيارين اما انك تحطين بلاستك او انك تشترين غسالة مواعين وكذا راح تدخلين بررراحه
عندك وقت من الساعه 12 الى الساعه 3 تقريبا ابدي بالسحور ونفس الحكايه كل شي جاهز والمواعين نفس الحكايه
وبكذا يا بنات يارب لك الحمد والشكر عند وقت كثير :) بتستمتعين برمضان وراح ترتاحين وتحسين ان عندك وقت فراغ جربوها وراح تدعون لي بالخير والرزق الله يعافيكم ولا تحرموني دعاااكم