بنات جاوبوني بموت قهر اخاف يكون حمل وطاااح تكفوون ريحووني

انا صار لي مثلك من الكلوميد جتني الدوره ثلاث ايام بس وخفت وقالت لي الدكتورة عادي اهم شي نزلت لو ثلاث ايام مع ان دورتي طويله وكثير اعرفهم بعد الكلوميد كذا الله يرزقنا بالذرية الصالحة

ما اعرف بما انك اخذتي كلوميد بس كل شيء جايز
بأحكي لك موقف صار معي ومشابه لموقفك
مره من قبل موعد الدوره كانت تجي لي آلام وخصوصا اسفل البطن واتوجع منها مره خصوصا مع الوقفه الطويله او المشيء وتأملت خير مع اني كنت خايفه من هالالم قلت انتظر لين الدوره واشوف
المهم تأخرت الدوره 3 ايام بس وكنت موجوعه منها بشكل لايطاق على غير العاده وجت الدوره وحزنت بس استهديت بالله وتعوذت من الشيطان
كانت في البدايه مررره غزيره وما اقدر اسند طولي من الالم ولاحظت نزل شيء غريب وسألت الدكتوره قالت ممكن يكون كيس او حمل ونزل مافي الاتحليل الدم الرقمي نقدر نحكم اذا حمل اولا
بس قلت دامه راح خلاص ما ابغى اوجع راسي استخلفت الله خير
وهذيك المره كانت الدوره غزيره ببدايتها وايامها قليله خلصت بسرعه
وبعدها بكم شهر حملت حمل ضعيف ونزل وكانت نفس الطريقه من غزارة الدم وقلة الايام ونفس الالم فعرفت بعدها انه كان حمل والله اعلم
ادري طولت بس ابغى اوضح
عالعموم استخلفي الله خير واذا كان حمل ربي بيعوضك اخير منه
لانه غالبا الحملات الي تروح بدري يكون فيه مشكله ومن رحمة الله الرحم يتخلص منه