الف شكر لكم جميعا والله يجزاكم الجنة

مممم حيرتوني بنات ..

الرجال يقول مطور ومافي منه خوف من ناحية الموية .. والله مدري

انا ما اقصد السيراميك اللي كنه خشب .. اساسا ماني حاابة السيراميك .. متعب للرجول لي وللاولاد ..
بيتي دورين تحت سويت بورسلان
وفوق قلت ابي شي مريح لنا

فكرت بالفينيل بس سمعت بسالفة ماني متأكدة منها .. انه فيه مواد مسرطنة ومادري وشهو خفت

والشي اللي ادور له مالقيته ..خلص من السوق .. اللي هو باركيه كذاب على قولة احدى الاخوات
صراحة هو كان ممتاز بس ماحصلته ..

قدامي الحين خيار الباركيه .. الله ييسر

ماانصحك بالفينيل انا ركبته وندمت ماتقدرين تسحبين عليه شي ثقيل على طول ينقطع

^^^
ايليت الفينيل اللي عندي بالشقة رووعة
صللب مثل الخشب .. اصلا ماتقولين هذا فينيل .. بس خلص وعجزنا نلاقي مثله

قاعدة اسوي بحث عن الباركيه وشكلي باتوكل على الله وحطه
بالدور العلوي
بس خايفة يوهقني جهة الحمامات وانتو بكرامة

رفع

سويت بحث عن الباركيه
وفيه ناس مدحت وناس ذمت
اعتقد يعتمد على النوعية

لانه حتى الفينيل فيه ناس تقول مو حلو ويعفن
عندي بالمجلس يجنن
له تقريبا ثمان سنوات
بس ماشاء الله روووعة تخيلو
مرة غرق المجلس كله .. انكسرت ماصورة بالحمام واحنا نايمين
وتسربت وصار المجلس يسسبح بالموية
ولا تغير
ول تأثر
ويلمع ماشاء الله

بس بالبيت الجديد لانه ملك ماحبيت الفينيل
اول سبب لانه يقولون انه فيه مادة مسرطنة
وثاني شي حلو بس مافي فخامة

قررت عالباركيه
بس محتارة بالمحلات .. وشايلة هم الاماكن اللي جهة الحمامات وانتو بكرامة
والكاونتر .. ( مطبخ صغير مسويته بزاوية )
ولازلت انتظر الافادة