يا one-girl قولي لنا وش يصير معك لأنه محد اتصل ولا عبرنا وانتهت الفتره المخصصه لنا

خلاص اقبلوا الواقع وخلونا ندور على شيء ثاني.. والله يكتب لنا الخير ويفتحها في وجهنا ..
أنا صراحة أمس لما عدت الساعة 2 فقدت الأمل .. وقلت الحمد لله على كل حال وخيرها في غيرها...
هيا انسوا الافات وحاولو تدوروا وظيفة ثانية وحاولوا تاخذوا الا تقدروا عليه..من دورات دبلومات.. أي شيء يفيدكم لبعدين .. انسوا الماضي وفكروا في المستقبل الله ييسره.

أبشركم ياأخواتي بشارة تسر الجميع وهو أنه تم الاتصال بأختي يوم الثلاثاء الساعة السادسة تماما قبل المغرب وكانت فرحتنا لاتوصف بالاتصال طبعا ياعزيزاتي جهزنا أورقنا وتحمسنا وقلنا جاك الفرج ياأبو فراج وفي الصباح الباكر قبل الساعة السابعة والنصف ذهبت إلى مقر اللجنة وسعادتها لاتوصف
المهم دخلت واخذوا أوراقها وتم تدقيقها من قبل اللجنة تخيلوا وش قالوا لها قالوا لها إنتظري حتى يجيك الدور وانتظرت عدت الساعة الثامنة ثم التاسعة ثم الحادية عشر والعالم تدخل وتطلع وأختنا فى الله جالسه منتظرة ثم جات الساعة الثانية عشر ثم الواحدة إلى الثانية والنصف بعد الظهر وش كانت النتيجة ؟؟؟؟؟؟؟؟؟؟((((((( إحنا آسفين على انتظارك إنتهى التوظيف وعشان يمتصوا غضبها إش قالوا لها راح انخليك في الاحتياط إذا توفر شي راح نتصل)))))))))))؟؟؟؟؟؟؟؟؟؟؟؟
ما أقول غير الأمل في الله أولاً ثانياً كل شي مكتوب في هذه الدنيا وثالثاً حسبي الله ونعم الوكيل في كل من عسر على مسلم ربي يعسر عليه في الدنيا والأخره
وصدقوني الوظايف بل جميع الوظايف لوتكون تحت يد الرجال لكانت الأمور على أحسن مايرام
لكن مادامت فيها حريم صدقوني ضاعت الدنيا ويبغون يدخلون الحريم في كل شي والله رحنا فيها ما أحد مضيعنا في هالبلد غيرهم ..........
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
واعذروني على كلامي هذا من قهري ومن التعب اللي شفته على وجه أختي مع أنها تقديرها ممتاز مع مرتبة الشرف الأول وترشحت معيدة إلا إن الواسطة ضيعتها وسحبت البساط من تحتها ....
ياناس موحرام ممتاز مع مرتبة الشرف ومالقيت وظيفة ..... وين عايشين في غابه
صدقوني كل يمشي بالواسطة لا تقدير ممتاز ولاغيره معاك واسطة تمشين هوا
طيب اللي ممعاه وش يسوي لكن ماأقول واسطتنا بالله أقوى من كل شى وان شاء الله خير لنا ولأختي..

لا حول ولا قوة الا بالله..
أختي سوالف خاطري.. ما أقول الا الله يعوضها بخير منها..

الله يعوضها يا سوالف ..

والله طريقتهم غلط في غلط ..

المفروض أول خطوة بعد تعبئة بيانات النت يتأكدوا من الأوراق

بعدين يختاروا عدد بسيط حسب حاجتهم ( تلاقيهم طالبين وحدة أو تنين )

وبعدين يختبروهم التحريري ..

واللي درجتها قليلة يستبعدوها من الترشيح

مو أمة لا إله إلا الله داخلة ..

طريقتهم عن جد مااااالهااا داعي

بس الله يجبر أختك وييسر لنا ولها الخير آآآمين

بجوده وكرمه وهو الكريم سبحااانه ،،