عتمة ليل @aatm_lyl

عضوة نشيطة

بنات جدة ومكة تعالوا شوروا علي

السلام عليكم
كيفكم بنات ..

أنا أبغى أشتري غرفة نوم لي وماني عارفة بالضبط وين أروح .. لأني اللي بيوديني ما يبغى يلفلف كثير يبغاني أحدد كم مكان و أروحلها وبس .. وأنا محتارة الحين .. غرفتي لها تقريبا أربع أشهر غيرت بويتها ولاني لاقيه لي غرفة نوم .. :44:

أبغى محلات ألقى عندها غرف نوم مفردة حلوة وبسيطه لاني ما احب العفاشة بس أبغاها تكون واسعه وأسعارها يعني مو مرة غالية .. يعني وسط ..

بنات الله يسعدكم اللي تعرف محلات في جدة عندها غرف نوم مفردة مو مزدوجة حلوة تقول لي ..

أو إذا تعرفون نجارين زينين يعملون لي غرفة نوم و كأنها جاهزة على طلبي يعني بالتصميم اللي أبغاه ويضبطونها لي .. أو على الأقل يعملي دولاب ملابس على طلبي تدلني عليه في جدة أو في مكة ..

تكفون بنات انا لازم أنزل هالإسبوع وبكرة إن شاء الله يمكن أنزل .. لاني الإسبوع الجاي أنا مسافرة وما راح أرجع إلا على رمضان وتعرفون عاد رمضان زحمة وتراويح والله ما أحد ينزلني جدة ..

بنات جدة تكفووووون ساعدوني ربي يسعدكم :44:

بنات لا تقولون لي سوق العمرين واللي جنبه لاني رحت له وما شاء الله من كبره ما عرفت أدور فيه واللي معي أزعجوني ما يبغون يدورون .. بس لو تعرفون محل معين فيه دلوني ..
تكفووون بنات

يلزم عليك تسجيل الدخول أولًا لكتابة تعليق.

تسجيل دخول

ام ساره 2005 • 14 سنة

حبيبتي عندك في مكه مفروشات الزايدي ومفرشات السرحي وكمان عندك هوم سنتر

عيون الفهد! • 14 سنة

روحي هوم بلازا عندهم غرف نوم حلووووه مره بس مشكلتهم بين فته وفتره تلاقي الاشيا الحلوه مو على طوول

ايكيا مو مره احبه على قد مااديكورهم وغرفهم حلوه بس الغرفه ماتعيش ابببدا

وان شاء الله بنات غيري يفيدوكي

معنى الشموخ • 14 سنة

عيون الفهد! :

روحي هوم بلازا عندهم غرف نوم حلووووه مره بس مشكلتهم بين فته وفتره تلاقي الاشيا الحلوه مو على طوول ايكيا مو مره احبه على قد مااديكورهم وغرفهم حلوه بس الغرفه ماتعيش ابببدا وان شاء الله بنات غيري يفيدوكي

روحي هوم بلازا عندهم غرف نوم حلووووه مره بس مشكلتهم بين فته وفتره تلاقي الاشيا الحلوه مو على...

روحى لغصن البان فى مكة مره حلو انا فصلت عند فرع الطائف جودة ومديلات والوان مره راقى و أن شاء الله تتوفقى و تلاقى طلبك.

احلاصدفه** • 14 سنة

الزااايدي روووووووعه في مكه وطبعاا جده ارخص

عتمة ليل • 14 سنة

شكرا حبيباتي على الرد .. الله يسعكم ياااارب

هوم بلازا أنا رحت له .. بس ما لقيت عنده اللي أبغاهـ .. ألوانه غامقه مره و أنا أبغى غرفة لونها فاتح شوي

أما بالنسبة لغصن البان إحنا سوينا عنده غرف أخواني .. بس بصراحه ما ارتحنا للتعامل معه .. والمشكله الثانية إنهم ما يعملون لك إلا الأشكال الموجودة عندهم مسبقا و أنا أبغى شيء عملي و واسع لان عندي أغراض كثيرة ولمن سألته إذا ممكن يفصلي الدولاب على حسب طلبي قال لي إنهم يفصلون فقط زي اللي موجود بالمعرض .. وما عجبتني أبد ..

أنا فكرت أخذ الدولاب من عند إيكيا .. أو أفصل لي غرفة نوم

ياليت اللي أخذت لها دولاب ملابس من إيكيا .. أو فصلت عند نجار غرفة نوم كويسة تفيدني ومو ومهم في جدة أو مكة ..

شكرا لكم أخواتي الله يسعدكم دنيا و آخرة ويحقق لكم كل اللي تتمنونه ..