بنات جدة و المدينة و مكة تفضلوا

بالمدينة اي تاكسي اطلبي منه يوديك لمحلات التخفيضات وهو يوديك لان اسعارها مناسبه اما المولات اغلبها ماركات وغاليه

في جدة حابة مكان محدد وش رايكم في الاندلس مول او شارع التحلية وش فيه

مكه المولات الي فيها مش ولابد
بس لو تبغي سوق شعبي عندك العتيبيه بس مررررره كبير ومتعب

ومافيه مطاعم عائليه في نفس السوق

عندك جده بصراحه ماشاءالله فيها كل شي

تحتاري ايه مول تروحي

بس انصحك بعزيز مول مناسب

بس اماكن تقليد الماركات ماتلاقيها في المولات

تلاقيها بس في الاسواق الشعبيه

في مكه روحي العزيزيه قريب الحرم فيها مولات
واغلب المحلات المطلوبه ومطاعم عائليه حلوه
وتلاقي بعض المحلات في سوق العزيزيه او السلام تقليد شوزات وشنط
ماركات
ومعليش على الاطاله بس حبيت افيدك

وتنوري مكه حبيبتي

شوفي ياقلبي المدينة مافيها شي مميز...
فيه اسواق ماركات هذا بكل مكان تلاقينه انصحك مااتتسوقين فالمدينة الا في مجمع طيبة التجاري هو بجنب الحرم فيه جلابيات وذهب وساعات وملابس رجالية وجزم س ملابس كشخة مافيه كلها خردوات
وفري اليوم الي بتتسوقين فيه بالمدينة في جدة احسن لك اعرف ناس يقضون كل الي يبونه من جدة ومايتسوقون في المدينة الا الاشياء الضرورية...

بالتوفيق والله يتقبل منكم ..
لااتنسيني من دعواتك...
اي شي يااقلبي انا حااضرة بس عالخاص لاني ماارجع...

حبيبتي على حسب ميزانيتك انا حتكلم عن جدة

يعني لو من 30 لـ100 ريال روحي سوق البوادي في جدة فيه اشياء رخيصه ومقابله سوق الحجاز

لو ميزانيتك مرتفعه شوووي رووحي مجمع العرب أو الأندلس مووووول بس هذه السوقين كلها للملاابس والشنط

يعني مافيها هدايا للمعتمرين


في عندك كمان البلد والخاسكيه كله اشياء رخيصه سجادات صلاة وأقمشة وجلابيات وعطور