السلام عليكم ورحمة الله وبركاته
اخواتي انا ***** الله نازله جده السبت وبقضي كماليات للبيت
لأني على وجه ولاده ان شاء الله في بداية ذو القعده ادعولي الله يقومني بالسلامه ويشفيني من مرضي....
فأبغى مساعدتكم يابنات جده
اول شئ ابغى اشتري مدخل فخم لكن سعره معقول فايش المكان اللي تنصحوني اروح له وكيف اسعار المداخل عندهم؟؟
محتاره في ناس نصحوني بمحمود سعيد وفي ناس شارع الستين؟؟
طيب في محلات في شارع الستين مسويه تخفيضات واذا لا متى تخفيضاتهم؟؟
فكرتي ابغى صوره فوق المدخل مابغى مرايه لان جنب المدخل مغاسل بمرايات وابغى احط اضاءه يا فوق الصوره او على جوانب الصوره او ممكن شمعدانات فايش افضل؟؟؟
طيب ايش احلى يكون المدخل بدون ادراج
او بادراج
او برف تحت
او زي هذي الاشكال
انا اعرف يعتمد على ذوقي واللي يعجبني لكن قلت يمكن في شئ جديد وفي شئ قديم فقلت اسألكم افضل!!
خلصنا من المدخل نجي للحمامات وانتو بكرامه
مره عجبتني الدعاسات هذي
وابغى زيها ونفس مستواها بس من فييييييييييين وبكم؟؟ طيب ممكن اسويها تفصيل وفين؟؟
لان حماماتي صغيره وماتتحمل قطع كثيره يادوب البس الكابانيه ودعاسه صغيره قدامه
وابغى زي هذي الرفوف للحمامات انا عارفه انها من ايكيا لكن هل في اماكن ثانيه الاقي فيها زي هذي الرفوف؟؟
اممممم وكمان ابغى طقوم للمغاسل يكون شكلها حلو وفخم بس برضو اسعارها معقوله؟؟؟
و ابغى فريمات وبراويز وصور وحركات حلوه وافكار مميزه للمطبخ وللحمامات؟؟
معليش كثرت طلباتي عليكم الموضوع كله ابغى وابغى والله زوجي صادق لما يقول ماسمع منك الا كلمة ابغى وابغى....