بنات جده الذويقات ساعدوني بتجهيزات النفاس

دكتورة رانيا :

وعليكم السلام ورحمة الله وبركاته لا تزعلي ي حلوة يمكن مشغولين مع رمضان انا عارفة الطقة دي اللي اهل زوجك منها لانه مجتمعي كدا بس سيبيكي منهم واعملي اللي يريحك اول شي تزيين الباب جيبي البرواز اللي في ايكيا الابيض واطبعي تصميم الثيم باسم ولدك وحطي عليه ورد وعلقيه وممكن تضيفي كم بلونة ازا حابة وبالنسبة لبسك انتي والبيبي على ذوقك عندنا يلبسو قمصان حرير مع اروابها وزي ما اتفضلتي تجي الكوافير تستشورلها او تعملها ويڤي ومكياج بسيط والبيبي برضو ع زوقك انا اكتر شي يعجبني الابيض السادة مع بروش احسو مرتب ورايق وفخم اكتر من الورود والزركشة الزايدة بس دا شي راجعلك المفرش اخد حرير عادي اللي يعجبني من زارا هوم او اورانج التقديمات في المستشفى موية وقهوة مع حلا او تمر وشوكلاته البيبي وعندك بستاني او ليڤز افخم شي للشوكولاتة وما تنسي سوفينير البيبي وفي البيت حطي طاولة خدمة وزينيها بالثيم وعليه الحلا والموالح والترامس والسكر والمناديل خليها قدامهم السوفينير عدي اللي متوقعتهم يجوكي وضيفي 10 احتياط وممكن تكون خواتم تسبيح ومصاحف وحصن المسلم وسجاجيد الجيب او عطور الماركات دي الميني الحبة ب10 او تنوعي بينهم والسرير مو ضروري انا عندي شيزلونج قعدت عليه مع بطانيه وردية صغيرة وكم مخدة ورايا من زارا وب العربة اللي تقصديها اتوقع في البلد وسعرها رخيص كمان حجرب ارسلك ڤيديو استقبال بنوتتي خاص وازا عجبك اعملي زيو وممكن اعطيكي بعض الاشيات ازا انتي بجدة وحتجيبي بنوت

وعليكم السلام ورحمة الله وبركاته لا تزعلي ي حلوة يمكن مشغولين مع رمضان انا عارفة الطقة دي اللي...