بنات جده تعالوا ابيكم بهرجه ...

وعليكم السلام
اقصدك احسن حي
اممم في حي الشاطئ طبعا كويس
وحي النسيم
بس غاليه الشقق هناك
فيه حي الصفا يمشي حاله
ان شاءلله البنات يفيدونك اكثر
بالنسبه للملاهي
اذا اطفالك صغار في تشكي تشيز في شارع التحليه
في الي قدام البحر
فيه فن تايم عند البحر

الكبار .. في ملاهي الشلال في البحر
في ملاهي عطالله في البحر
اممم
مطاعم
في مطعم الجبيانو جنب فن تايم لاصق بالجدر
وفي شامي برظو بنفس الخط حق فن تايم لكن اتوقع قدام مو متاكده
شامي ومطعم قدورة وابو شقرا سوا مع بعض لاصقين
في مطعم الوزان بشارع التحليه وفيه بشارع صاري سلسلة مطاعم زي هندي صيني ياباني مطعم خاص بجميع المكرونات مطاعن اندنوسيه مطاعم وجبات سريعه معروفه زي ابل بيز وماك وبرجر كنج وبيتزا روحي واختاري كلهم بجنب بعض
الاسواق فيها مطاعم
زي مجمع العرب طريق المطار وانتي رايحه عالبحر مجمع العرب في مطاااعم ياكثرها وفيه العااااب مررة حلوة للطفال وطبعا تسووووق ملابس وماركات
في عزيز مول قريب من حي الصفاا مرة الاندلس وروشان مول طريق البحر كلهم
الكافيهات معرف مدخلها لكن البنات يفيدونك

ونورتي جدة ياستي :kiss2:

لو تسكني بشارع حراء احسن شي كل شي قريب منك مطاعم اسواق الكورنيش
وفي كتييير شقق كل خطوة في شقق مفروشة
وفتحت وحدة جديد قبل كم شهر اسمها نجمة الاسراء اظن سعرها 350 ريال بالليلة

الكافيهات والمطاعم بالكورنيش فيه وبالتحلية والاسواق يعني ما هتتعبي جده كل خطوة فيه سوق وكافيهات ومطاعم
ولا تنسي تروحي الكورنيش الجديد الله يعينك على الزحمة انا الى الان مو قادرة اشوفه

واهلا فيكي بجده

حتى انا ابي اماكن حلوة بجده

ايش رايكم بالودعه

وملاهي عبقرينو بجرير مول


حلوين وﻻ ﻻ

اسكني في شارع حراء حي النهضه قريبه من البحر بينها وبين البحر عشر دقائق في شقق مفروشه جديده اسمها الليله المخمليه تحتها كشري التحرير وفي نفس الشارع في مطاعم في ماك وهرفي وفي النقلي وجاد والعربيه للعود وابو زيد وفي دانوب النهضه ومطعم يمي يمي جدا رائع الاكل فيه ومطاعم الفيروز ماكولات تركيه ومطاعم غوزي وفي قريب منه مطاعم خيال جدا رائع .وقريب جيكون من مجمع العرب وجرير مول وحراء الدولي وحراء افينيو وحراء بلازا وفي ملاهي في مجمع العرب وكمان في جرير مول عبقرينو وقبل جرير مول في الهرم واي استفسار اتفضلي

إسكني في شارع حراء لإنه بتحصلين
كل شي بهالشارع من صيدليات وسوبرماركات ومطاعم سريع سريع

وبالنسبه للملاهي عندك تشكي تشيز على البحر ... وفن تايم برضو ع البحر
بالأسواق فيه ملاهي حلوه مثل مجمع العرب ورد سي مول ....
وبرضو عطا الله والشلال ..... وفيه هيفاء مول بشارع فلسطين توجد فيه الغابه الممطره
تحطين عيالك فيها وياخذون رقمك وتروحين تتسوقين ....

المطاعم كنز أبحر في منطقة أبحر الشماليه وبرضو السقاله قريب منه
وعندك جزيرة الشراع حلوه للأطفال سباحه وملاهي وجلسات ع البحر ...

برضو مطاعم بلاجيو مقابله للشراع فيها حديقة الشاي حلوه
الودعه برضو ع البحر مطعم راااقي ....
طريق الأمير سلطان وشارع التحليه كلها مطاعم وكافيهات
وبرضو طريق الملك مليان مطاعم وكافيهات ....

ولي تسأل عن عبقرينو حلو بصرااااحه بس صغيره مو مثل عبقرينو الرياض .....
الكورنيش الجديد حلو بس زحمه موت ....