:time:

اب

والله انا نفس حالتك اتمنى الاقي دكتوره كويسه

والله يااختي انا كل مااكتب دكتور اسنان بجدة كانو الاغلب عندهم معاناه حتى بالعيادات لما تروحي والاقي خوات جداد يقولوا برضه نفس الحكاية بلفوا بين الدكاترة ومن عيادة للتانية مش عارفة ايش القصة شكل الحكاية بجدة تحديدا ...

انا صراحة مااثبت مع طبيب او طبيبة .. لكن اذا بتحبي ببعتلك رسالة خاصة فيها كل اللي رحتلهم ومين ارتحت ومين ماارتحت ..

لكن بشكل عام .. جربت شلت عصب وخلعت عند دكتورة اسمها سمرا الشيخ بمستشفى الجدعاني ممتازة ماشاء الله لكن العيب انه دوما عندها زحمة ولازم تروحي من العصر عشان تمسكي دور وتدخلي ملفك .. لكن تلبيس السن انا مش حابة فما لبست عندها ولاسن لاني حاسة مالي حظ بالتلبيس لبست مرتين بحياتي وتبت ...
وفيه دكتورة جربت خلع ضرس عقل مطمور عندها وممتازة برضه وشغلها هاديء ماشاء الله اسمها ليلى بيومي بخالد الطبي السامر عندها زحمة لكن اتصلي قبل ماتروحي .

فيه بمدحوا كتير دكتورة ريهام بالاندلسية بالمكرونة .. هي مختصة بشيل العصب والتلبيس ... لكن خلع مااعتقد بتخلع لانه مرة رحتلها لخلع ضرس عقل كانت بدها تحولني لجراح لكن مارحت ، لما الدكتورة اللي اروح عندها تكون مسافرة فكرت اروح عند ريهام من كتر ماسمعت ماشاء الله ولما رحت عالاندلسية لقيت الطلب عليها وزحمة .. لكن ماجربت معاها شيل عصب نهائي .

بالنسبة لدكتور محمد ساسا مابعرف لكن عالنت بمدحوه كتير .. بالنسبة لدكتور علاء بنفس المستوصف قرايبي يروحوا عنده دوما .. لانه المستوصف بعيد انا مابروحله .. والله يشفينا واياكم يارب .

اختي راحت لدكتور كويس اسمه دكتور بشار ف عياده الفراج ف حي الزهرا ويمدحو ف شغلو