بنات جده هلمو الي!!! ولااقولكم هلمو الي كلكم موبس بنات جده

هلا حبايبي

مالي الله ثم انتو استشيركم بموضوعي اللي محيرني

انا وزجي عايشين في المدينه المنوره من 11 سنه تقريبا يعني عمر زواجي كله وقبله برضوه كنت عايشه مع اهلي فيها

المشكله زوجي مومرتاح هنا لان اهله في منطقه ثانيه ولان اسلوب الحياه وطبيعتها مومريحته وانا بعد مثله مالقيت لي اصحاب حقيقين ولاقدرت ارتاح نفسيا ولكني راضيه لانها مدينة المصطفى واحس فيها البركه والخير وكنت دايم انا اللي اهون من تفكيره في النقل
سافرت مع اهلي في الاجازه ورجعت لقيته طلب نقل لمدينة جده!!!

فكرت كثير ولقيت نفسي من 11 سنه بس الغي فكرة النقل اللي تراوده من فتره لفتره وماحسيت براحه هنا ابدا حتى علاقتي مع اهلي علاقه مأساويه

سؤالي هنا بالله كل وحده من جده تقولي كيف طبيعة الحياه فيها؟ هل هي حلوه ومقبوله ومافيها ملل وروتين؟ ام العكس

ارجوكم جاوبوني بأمانه لاني متحسره اخرج من المدينه المنوره يمكن اقدر اضغط على زوجي
يبطل النقل قبل فوات الاوان

مدري اطاوعه وننقل لمدينة جده ونخلي كل شي بنيناه هنا من تجاره وخيروبركة الرسول وخصوصا ان امي عايشه هناك

اوابدء حياه جديده غريبه ماعرف احد هناك الا امي
ارجوووكم انا حيرانه وخايفه من الحياه هناك وخصوصا ان مزاجي له طابع خاص جدا
مع اني اعشق البحر واحب الناس بس خايفه خايفه
دلوني ايش اسوي وايش رايكم بجده والحياه فيها؟