كل عام وانتم بخير جميعا ,,,, والله يتقبل من الجميع صيامهم وقيامهم يارب
حبيباتي انا عروسه:icon28: وراح ابدأ اقضي ان شاء الله اذا بدات المدارس عشان الزحمه :icon33:
المهم اختكم اول بنت تتزوج في عائلتها وما عندي اخت اكبر مني اقدر اخذ رايها من وين اروح
وايش اسوي ,,, المهم انا راح انزل جده باذن الله وابغى اعرف عدة اشياء راح اذكرها بالترتيب
مع الاخذ في الاعتبار ان اختكم ذوقها صععععععععععععععب جدا جدا وهذا اللي متعبني :(
فقلت مالي غيركم عسى الله لا يحرمني منكم توقفون معاي وعشان كذا ماراح ادوخكم معايه راح
اقسم الاشياء بالترتيب .
ابغاكم تقولولي عن المولات اللي عندكم ايش افضل مول ممكن اروح اقضي منه يعني قولولي كل مول ومميزاته
الشي الثاني انا اشتريت فستان تصميم امريكي طبعا التصاميم الامريكيه طرحهم قصيره انا الحين ابغى اشتري طرحه للفستان يكون لونها على كريمي وتكون فخمه من وين افضل مكان ممكن احصلها فيه
ثالث شي انا ابغى اعرف الخداديات الصغيره مثل هذي وين احصلها بكميات كبيره وبالجمله
والمصاحف الصغيره كمان قالولي راح تحصلينها في جده ابغى نفس الشي كميات بالجمله فين الاقيها
بالنسبه للصناديق والحركات والمكملات تبع العروس فين احصلها وحده من البنات قالتلي روحي باب مكه مره راح تعجبك الاشياء اللي فيه انتوا ايش رايكم
ادري اني راح اتعبكم معايه بس والله لكل وحده دعوه بظهر الغيب مو حكاية اني اشجعكم تردون عليه لا والله بس من جد راح تفرجون عليه كربه لانه امي كل ماجابت سيرة التجهيز يجيني مغص وودي ابكي
بنات الفتره اللي راح اجلسها في جده ماراح تزيد عن 4 ايام فياليت تقولولي افضل الاماكن عشان ادونها وارتبها في النوته على عدد الايام عشان يمديني وما اتوهق .... لان اللي بينزل معاي اخوي وعزابي وتعرفون كيف الشباب العزابيه ما يتحملون مشورة الاسواق خلوها على ربي ,,,
حبابي انتظر منكم ردود لا تبخلون علي ,,,
أنا المدينة
بالنسبة للطرحة روحي سيتي سنتر اللي في قباء يفصل لك بالكمبيوتر مرة أخوي عملت هندهم مرة رائع
والله يوفقك
في جدة اسمع كثير يمدحو العزيز مول وهذا اللي اعرفه وان شا الله البنات يفيدوكي