بنات جده ومكه الرياض تعالووووووووووو بسرعه

وانا مثلك رايحه وادي اعرف
بس ننتضر اناشاالله يرد علينا احد

بالنسبه للاسواق بجدة انا اقولك
عندك جدة مول حلو وفيه فساتين وملابس عاديه ( كل شي) المركز من جوا حلو
اسعارهم غالي بس مو مره مره لكن يطلق عاليه غالي
وموقعه بشارع التحليه

مركز التحليه حلو للعائله وللاطفال فيه ملاهي ومطاعم وحتى محلات الملابس حلوه واسعارهم عادية بين الغالي والرخيص
ويقع بشارع التحلية هو وجدة مول قريبات لبعض
وعندك شارع التحلية المحلات اللي عليه مثل دبنهامز وستراديفاريوس وبريشكا وبرمود.......الخ
الاقمشة مجمع الشرق مااعرف موقعه وين بالضبط بس فيه الرخيص والغالي وفيه ذهب وملابس لجميع الاعمار
وعزيز مول حلو وبالنسبه لي احب اتمشى فيه يفتح النفس فيه العاب اطفال ومطاعم وسوبر ماركت جيان ومحلات الملابس فيه ماركات و فيه المحلات العادية
موقعه عند ميدان الطيارة سابقا>>>>>لانهم شالوها
وحراء حلو شامل لكل شي
وعندك تاج توج محل يبيع الملابس على10ريال احيانا يجيب ماركات اوقات يكون حلو واحيانا لا
وكل المحلات اللي قريبه من عنده على 10(محلات ابوعشره)
هذا بالنسبه لجدة هذا اللي اعرفه

*************************

الرياض

ماشاءالله عليهم كل اسواقهم حلوه
عندك غرناطة والمملكه والفيصليه وحياة مول وخريص بلازا وووووو ماعرف لاني من زمان عن الرياض

*******************
وبالنسبه لمكه مافيه اسواق حلوه انا عن نفسي ماادور من الحرم للفندق على طول

هذا اللي اعرف واتمنى اني ساعدتك
وانشاء الله البنات مايقصرون

فيه فى جده سوق المرجان السوريين سابقاوفيه شبرا فى التحليه له فرعين واحد منهم قريب من ميدان الدراجه على فكره سوق المرجان يجنن وماهو غالى وجديد

والله يا هلا بيكي في جدة اذا حابة الماركات روحي عزيز مول ممتاز تحت الماركات وفوق كمان معارض وايضا صالة تزلج وامامها مطاعم سريعة وجلسات وجنبهم صالة العاب اطفال وبنفس الدور سوبر ماركت جيان هذا مول عائلي ممتاز في حي الصفا يشبه له الصيرفي مول بس العابه شوي غير لانه يشبه فرع في ماليزيا بس الممتع اكثر في التسوق عزيز مول بالنسبة لي تلاقي الصيرفي اما م ايكيا و كمان شارع التحلية كلله ماركات بس الله يعينك لازم تصفينهم داخلة خارجة لانهم على الشارع من الخطين وكمان مركز التحلية في شارع التحلية واويسس مول امام عمائر الاسكان فيه ديكورات مررررررة روعة كانك في غابة مع المؤثرات الصوتية بس انت وحضك لها وقت معين من المساء اما السهرة الجاهز مركز لمسات في البوادي كله سهرة بالقرب من مركز الحجاز وقربهم مركز المستقبل واذا تدوري على اقمشة السهرات مجمع الشرق اما بالنسبه لالملابس الرخيصة في مراكز الهرم الافضل روحي على الهرم الجديد في شارع الامير سلطان بس الافضل في الصباح من الزحمة لانه زحمة موسم الصيف مع انه المركز مررة كبير بس محبوب رغم الزحمة ما شاء الله وايضا قربه مركز جديد بس مستواه غالي نسيت اسمه يمكن سلطان من كثر المراكز نسينا :08: ولا انسى مراكز شبرا ايضا نفس المستوى بس روحي شبرا الجديد امام دوار الدراجة وبالقرب من مركز النجار وهذا النجار نفس مستوى الحجاز بس منوع اكثر بالنسبة للملابس اما ملابس ابو عشرة روحي توب تن وانت رايحة على البوادي ممتاز في التطقيم وخصوصي للبنات والاولاد الصغار والاقي فيه احيانا ماركات استوكات (بقاياماركات) بس مررة حلو للي يعرف يطقم وانتي وحضك وجنبه بالضبط تاج توج بعشرة يمكن تلاقي فيه استوكات لماركات بس انا اشوف في اللبس توب تن يمكن احلى على البنات - - - - - - - -- :confused- :confusedايش كمان الذهب سوق اليمامة للذهب بس في السفر يمكن الفكرة صعبة الملاهي العائلية عطا لله في الحمراء شاملة للصغار والكبار وايضا ملاهي الشلال بس للمراهقين والكبار في الحمراء وجنغل لاند على طريق المدينة بس الافضل تروحو مع احد معرفة ثقة لان المكان بعيد شوي عن داخل المدينة في الضواحي ما حتعرفوله ابدا بره جدة شوي شوفي انا نبهتك وايضا تذكرته مرتفعة يمكن 50 مثل الشلال :icon33: :icon810 اما مكة اهلي من مكة واهل مكة ادرى بشعابها في ملاهي الحكير وانتي داخلة على مكة يسارك وكمان مركز الحجاز الدولي قبله على يسارك وانتي داخلة وكمان في سوق العزيزية مستواه وسط وهو في حي العزيزية وبجواره مركز جديد فاتح بعد زواجي نسيت اسمه اختي تمدح فيه هو جنبه يبيع ماركات عالمية انتبهي ماهو سوق السلام وكمان في مركز الضيافة في النزهة انا لي فترة من بعد زواجي سنين اذا رحت السوق رحت على الضيافة او العزيزية او المشاط اسفة طولت سامحيني حبينا نساعد:icon35:

الأخت شبيه الريح كفت ووفت