بنات جد متضايقه وكتبت ابي مشورتكم

السلام عليكم
صراحه دايماً ادخل هالقسم اتصفح مشاكلكم وكثير أشتهي تصير معي مشاكل مثل الي تصير لكم ادري بتستغربون بس والله من الطفش الي انا حاسته والروتين الي يقتل
بنات انا من النوع الاجتماعي درجه اولى احب اللمه والسوالف والجيره الطيبيه بيت امي بيت بنات وجيرتنا حلوه
اتزوجت ولما سكنت شقتي اتعرفت على جاره عسل أدق عليها بأي وقت وتجيني وتناديني عندها رغم الشقه مكانت عاجبتني هالجاره نقلت لبيت ملك وسكنم بدالها جيران برضه طيبين لكن اهلم هنا بنفس الحاره تاخذ أولادها وتروح لهم وين وين لما اشوفهم واخواتها حواليها جمعتهم كثيره تبارك الرحمن
من لما نقلت جارتي وانا اقوله بننقل وكان يقول فيه شقه مره حلوه عند أصحابي بينقل الي فيها نروح فيها عاد مرت سنه وفضيت الشقه ولا قال لي غير بعدها بشئ كثير لما اتأقلمت شوي
عاد هنا قال لي انا كانت نفسيتي عاليه وحلوه ماهمني كنا نسافر لأهلنا كثير بسبب ظروف سارت لهم
لكن هالفتره انربطت بمدرسة بنتي معاد سفراتي مثل اول حسيت بالوحده وانقلبت 180 درجه مافي حافز لأي شئ حتى بيتي معاد اهتم نظيف بس مو مثل قبل حركات ودلع مأشوف احد والرجل مهما كان مايملى الفراغ ابد ابي اسولف الوحده اذا ماسولفت وفضفضت مستحيل تتعدل نفسيتها ومستحيل افضفض له هو كلامه قليل فمايشبع هالحاجه الي بنفسي والتشكي ماله داعي عند الرجال ويطفشهم ولا راح يحس لان بنظره تافه الموضوع
بنات شوروا علي أخاف الزم عليه واندم بعدين بيتي موقعه جد طيب بس مثل ماقلت لكم مليييت من الجيره وخرجتنا ثقيله بحكم انه بيتوتي وغير كذا انا مأحب الإلحاح ابد
تو طلبت منه ننقل بأي طريقه واحس معصبه منه مع لو افكر مافي شي يعصب وهو يحبني ومو مقصر علينا بشئ بس طفشت منه