خواتي حبيت انزل موضوع وافيدكم . في اخت سألت عن ديودرنت في احد المواضيع ما حبيت انزل الرد في هاك الموضوع لانه يمكن مب الكل يقراه ويستفيد، فقلت انزله في موضوع منعزل ع اساس الكل يستفيد.
بنات والله الي بقولكم عنه من تجربه شخصيه..
قبل كنت دايماً احتاس واغير الديودرنت لاني ما القى الديودرنت المناسب ومهما كانت انواع الديودرانت الي كنت استخدمها اتسببلي حساسيه و ماتقضي ع الريحه 100%
في وحده الله يذكرها بالخير هي الي دلتني على ها الديودرنت وبالفعل مرتاحه منه وايد والحين صارلي سنتين ونص تقريبا وانا استخدمه. واختي بعد تستخدمه.
قبل لا اقولكم اي نوع الديودرنت بقولكم مواصفاته وفوايده الي بالفعل حسيت فيها خلال هاي الفتره:
1 - يقضي ع الروائح 1000%. اضمنلكم ها الشيء.
2- طبي ، من ماركه معروفه.
3- يبيض الباط وما يأثر ع لون الجلد مثل باقي الديودرنت
4- ما يسبب اي نوع من الحساسيه
5- وسعره جيد بالنسبه لمواصفاته تقريبا يوصل الـ60 او الـ50 درهم
6- العبله الوحده اتم فتره طويله جداً. كمن شهر.
الديودرنت من ماركه CLINIQUE
اتحصلونه في محلات الي تشترون منها مستحضرات التجميل
وهاي الصوره للديودرنت
ترا بنات شيء نوعين.. في STICK وفي سائل.
انا الي استخدمه الـSTICK والي مكتوب ع العلبه كالتالي:
dry-form
antiperspirant-
deodorant
antiperspirant stick
وها النوع تضغطين من تحت ويظهر stick ابيض لونه.. ويكون جاف وتفركينه وبس.
بنات جربوه وصدقوني انكم بترتاحون منه واااااااااااااايد ولاتنسون تدعولي : )
واذا عندكم اي سؤال ترانا في الخدمه
والسموحه منكم
