بنات جعلكم الجنه اللي ترشدني بنصيحه او دعوه

السلام عليكم بنات انا حدي مقهوره تكفون ريحون مادري شفيني صايره حساسه مره اي شى يضيق فيني حسبي الله وكفى ابوي ي بنات مادري احس معاملته لي متغير مادري انا طبعي كذا حساس مع انه نفس قبل ماتزوج كذا لكن بعد الزواج انا تغيرت صايره حساسه ماتحمل لدرجه لجئت عنده اتضايق كله بسبب ابوي والا امي فديتها وفديت الارض اللي عليها امي مهما سوت فيني الا اني واثقه انها تحبّني موت لكن ابوي مادري فيني احساس يخليني أضيق صدري آنو ليش اجلس بمكان يضيق صدري اه بس وربي اكتب لكم وانا مره متضايقه منه الله يسامحه بس تخيلوا كل مايقابلني يهوش وجه بنتك وسخ لو انها نظيفه احس بس يكررها طيب كذا يحسسني انه مو عاجب ف بنتي يعني أرميها مثلا وبس ينقد مايمدح عيالي بشي ولايعطيهم وجه ويحرجني كمان زوجي اذا سال ولدي ماتعرف جدك مع انه ابو زوجي ولدي يموت فيه لانه إنسان طيب مره احبه والله م طيبته وحنانه علي ماشاء الله تبارك الله كاني بنته الله يسعده طول العمر ياربوربي ابوي اخاف منه اذا قابلته ارتكب كاني مسويه جريمه لاني بس انتظر انتقاد منه ولايعطي أولادي وجه مابيه يعطيهم وجه عمرهم ماعرفوه ولاحبوه لكن مو مهم جدهم م ابوهم الله يخليه لهم معوضهم الحمدلله لكن كثره انتقاده لعيالي كرهتني بأهلي وأصير طول يومي مرتبكه هذا وسخ هذا نظيف مع انه ذولاء اطفال وانا جايه عند امي ابي استانس بوقتي معاها مو كل شوي ماسكتهم والاحقهم عشان ابوي انا متعوده بيتي كذا ماخذه راحتي ع الاخر ماحب احد يتحكم فيني سوي حطي مهما كان ذولاء أولادي وانا احب الناس فيهم لكن يبي ياخذون وقتي م امي عشانه الله يهديه م انتقاده وجه بنتي لدرجه وصل يضايقه استغفرالله وهذي طفله ماكملت سنتين اكيد كل شوي بتحوس فمها اخليها تأخذ راحتها بالاكل وبعدين اغسلها الحمدلله ويجي يقولي اولادك ازعجوني هديهم عني بعد هذا مرررره تضايقت وتمنيت اتصل ف زوجي اقوله تعال خذني لكن مهما كان هذا ابوي ومستحيل اعلم زوجي فيه يهيني اذا شاف الابو قلبه كذا وامي بعد اقدر اتحمل كل شى عشانها فديت قلبها وربي ي بنات كتمتها بصدري ولاشكيتها عند احد حتى امي مسكتها خفت اضايقها او شى عشان كذا احس اني مخنوقه مالقيت الا هالمكان اقدر افضفض ادعولي بنات ربي يعوضني بزوجي لاني جد الحين مره متحطمه محتاجه احد يعوضني وادعوا لبنتي ماتذوق اللي ذقته من ابوي الحمدلله ع كل حالمع اني ي بنات اعترف اني صايره حساسه اي شى يضيق صدري ودايم اقولها لزوجي انا مره حساسه لازم تراعيني وانصدم ف ابوي اذا انت ماراعيت بنتك من تبي يحن عليها حنان الابو اه ي بنات انا الحمدلله تزوجت وعشت حياتي لكن اذا جيت اهلي ابتعد عن زوجي عشان كذا أحتاجهم ماحب احد يضيق مني او م عيالي ع طول يضيق صدري واتنكد ويعكر مزاجي وإذا رحت عنهم والله مايهمني اي شى ولاحتاجهم باي شى الخمدلله يارب أبيكم تنصحوني كيف اتخلص م الحساسيه اللي فيني لو فيه علاج اي شى أرشدوني جعلكن للجنه