بنات جعلكم للجنة البارده ساعدوني في تساقط شعري

رفع


لا اله الا انت سبحانك أني كنت من الضالمين

اختي الكريمه 

اعطيكي بعض النصائح المفيده للشعر والتساقط 
اولا عليكي بالمعالجه داخليا وخارجيا 
من الداخل : فيتامين بريلون ان او هيردال مع حبوب حديد 
من الخارج اصنعي تونك خاص بالبيت 
من العطار عشبة الاس بخمسه ريال واكليل الجبل
اغسلي كفشتين بيدك من الاس وكفشتين من الاكليل
اغسليه زين وحطيه ينقع مو يغلي لا ينقع فقط في كوبين ماء حار وعطيهم واتركيه يوم كامل
 
ثااني يوم حطيه برشاش وبخي شعري بعد الغسل
مرتين باليوم تحطيه وافركي فروة راسك وشعرك والاطراف

زيوت: 
عند العطار كيشور دهني صغير احمر اشتري 2
واخلطي معاه 1-زيت الحبه السوداء
2-زيت نارجين  3- زيت السدر 4-زيت خرووع 
5- زيت لوز 
الطريقه بالخطوات :

اخللطي هالزيوت وجيبي محلب اطحنيه طحن خشن وحلبه طحن خشن وحطيه بالقاروره مع الزيوت هذي 
والافضل تاخذي الزيوت من المعصره لاتاخذي الجاهز
زيتي شعرك يوم ايوا ويوم لا وبعد غسل شعرك
رشي عليه تونك الاعشاب وهو مبلل علي الجذوووور والشعر والاطراف وحطي نقطه زيت نارجين بايدك لين تحسي رطب شوي عالشعر فقط وافركي شعرك وهو مبلل بالتونك
وانطري شوي لين يصير شبه مبلل مشطيه ولفيه كعكه 
واستمري عالحديد والفيتامينات 

باذن الواحد الاحد بيوقف التساقط
وبتلاحظي تغيير بشعرك والتساقط خف كثير 


الله يردلك شعرك مثل اول 
وادعيلي ربي يحفظ ذريتي

الله يجعلك بالجنه يخيتي الله يخليلك ذريتك ويحققلك الي تبين

شكرا يالغلا الله يوفقك ويحققلك الي تتمنين

قلم رمادي ربي يسعدك يارب 
والله اعطيتك هالطريقه عن تجربه شعري كرن يتساقط بشكل مخيييف وبدات احط هالخلطه مع التونك 
هوا يغزر الشعر ويطول ويوقف التساقط