كنتي مسويه له ستريتر في العيد وفاتحه شعرك وتلقينك بعد ماحصنتي نفسك

أتوقع والله العالم شعرك محسود ~ احتراقه وتقصفه فجأة و العقد بأطرافه

إن كان كلامي صحيح معناته وصلنا للمشكلة ويصير الحل سهل بإذن الله

- الرقية
- المداومة على الأذكار الصباح والمساء وقبل النوم
- كورس العلاج المركز بأكتبه لك بعد الصلاة بإذن الله

الظاهر هلون لان كانو يقولون لي ان شعرج صار طويل

ان شاء الله راح امشي على الجدول

السلام عليكم... اختي المفروض انك تقصي اطراف شعرك كل نهاية شهر وهذاااااااا ضروري ليش لانه اذا ماقصيتيه راح يصبح على هذا الشكل اللي وصفتيه ...روحي استلحقي شعرك حتى لا يطور ويصير كل شعرك والله المستعان. من تقصي اطراف شعرك قللي من استخدام الشامبو واكثري من البلسم خصوصا على الاطراف واكلي فيتامين اللي يحتوي على ب 12 ممتاز لتطويل الشعر .... وعلى فكره كل الزيوت والخلطات ماراح تنفعك ليش؟؟؟؟لانه اطرااااف شعرك متقصف لازم قص.

لا يضيق صدرك أختي المؤمن مبتلى
وخلي اللي صار درس لك حتى ماتتركين التحصين قبل ماتفتحين شعرك قدام أحد
أي علاج بتسوينه من غير ماترقين نفسك ماراح يجيب نتيجة
الخطوة الأولى والثانية والأخيرة الرقية الشرعية

الكورس العلاجي للتقصف :

حتى تكونين على بينة وحتى ما أغشك
الشعر المقصف ماله حل إلا القص وأقدر ارتباطك بشعرك فبنستخدم كورس عناية مركزة
تحسن شعرك الحمد لله
ماتحسن بتضطرين تقصين المتقصف حتى ماينتشر لباقي شعرك
ليش أنا أقول لك هالكلام حتى تكونين على نور وبينة قبل ماتبدين الكورس

الأشياء اللي محتاجينها في أول إسبوعين

(قهوة عربية محمصة - كريم بريلكريم الأحمر - حمام زيت بوناويل بالمشمش و حمام زيت بوناويل بالقمح

كريم مقوي الشعر من غرنيه - زيت صنسيللك الزيوت السبعة - سدر يماني )

أول خطوة في العلاج نسوي تونيك القهوة

إذا تحبين شعرك ينفرد بتسوينه على كل شعرك من الجذور للأطراف وبأكتب لك طريقته بالتفصيل

وإذا تحبين تحافظين على شكله الويفي بتستخدمينه على أطراف الشعر بس

تحطين تونيك القهوة في كاسة ورق أو فلين

وتقسمين شعرك نصفين وتجيبينه على قدام كل نصف بجهه

بعدين تغمسين أطراف الشعر بتونيك القهوة و تخلينه مغموس فيها 10 دقايق

وبعده لفيه واتركيه ينشف هذا لو تبين تحافظين على شكله الويفي

طريقة عمل تونيك القهوة :

ملعقة قهوة عربية مع 2 كأس موية واتركيهم يغلون مع بعض 20 دقيقة

صفيها وإذا صارت دافية استخدميها

فايدة التونيك يشيل التقصف من الشعر ويفرد الشعر ويعطي لون حلو مع الإستمرار


إذا تبين شعرك ينفرد استخدمي التونيك على كامل الشعر بهالطريقة

تجيبين المشط أبو وجهين وجه عريض الفتحات و وجه صغير الفتحات

تغمسين المشط في الزبدية اللي فيها موية القهوة وتمشطين شعرك خصلة خصلة مجرد تبللين الشعر لكن ماتغرقينه

تلفينه دوامه أو طاقية و حطي كيس بلاستيك أول 3 ساعات وبعدين شيليه وبعدها براحتك متى ماغسلتي شعرك

كذا خلصنا تونيك القهوة أكمل في الرد الثاني

في الويك إند إذا طالبة أو موظفة

تجيبين كريم بلكريم الأحمر وتحطين على الشعر بس بدون الفروة

تحطينه خصلة خصلة حتى تتشبع بالكريم بتلاحظين قبل ماتخلصين بعض الخصل بتتشرب الكريم

مو مشكلة أرجعي وزودي عليها الكريم وبعدها لفي شعرك وخليه يمتصه براحته

بعد ساعتين ارجعي افتحي شعرك إذا تشرب الكريم ترجعين ترطبينه مرة ثانية حتى ترتوي الشعرة

واتركيه على شعرك أطول وقت ممكن بتنامين فيه مايضرك لأنه مو على الجذور

بعدين غسليه بالشامبو اللي متعوده عليه

بعد الشامبو تحطين على شعرك بعد ماتنشفينه شي بسيط بالفوطة مو تدعكينه

لا شعرك ضعيف مايستحمل المعاملة القاسية

تحطين حمام الزيت بالمقادير

١ ملعقة حمام زيت بوناويل القمح
١ ملعقة حمام زيت بوناويل المشمش
املعقة صغيرة كريم مقوي الشعر من غارنيه
١ ملعقة صغيرة من زيت صنسيلك الزيوت السبعة

اخلطيهم في زبدية قبل لا تغسلين شعرك وبعدها وزعي حمام الزيت على شعرك واتركيه أطول وقت

واشطفيه بالمويه بس

بتقولين بيدهن شعري لا مابيدهن لكن بيترطب

ويوم بالأسبوع تسوين ماسك التغذية

ماسك التغذية والترطيب هذي خلطة أخت هنا اسمها عيون سعد الله يوفقها ويسعدها

الحين بقول لكم الخلطة هي عبارة عن:

زبادي ( أنا أحط 4 ملاعق ، طبعا على حسب الشعر )

قطعة زبدة ( الحجم الصغير اللي يجيك في كرتون )

م ك مايونيز
م ك خميرة فورية
شوية خل
و أحيان أحط بيضة

كيف بيكون برنامجك الأسبوعي

في الويك إند كريم بلكريم
راحة
تونيك القهوة
راحة
ماسك التغذية
راحة

بعد الأسبوعين شوفي النتيجة المبدئية تحسن خلاص استمري
وإذا شفتي شعرة مقسومة نصفين قصيها حد التقصف

وبعد شهر من التحسن خبريني حتى أكمل معك

لكن لاتنسين الرقية والأذكار

الله يشفيني ويشفيك وكل مسلمة مستضرة