عنود فهد :

انا مب من جازان ولا من الجنوب كلها بس معقول ما تعرفين السبب؟ الشمس ما تغطى بغربال والاسباب واضحة وكلنا نعرفها، منها: ١-قلة الخدمات الي تقدم للمنطقة ٢-عدم اهتمام المسؤولين والوزراء بهالمنطقة، تذكرين يوم خالد الفالح كان وزير الصحة؟ وجاء واحد قال له نبي مستشفى بالجنوب مثل مستشفى سعد التخصصي، تذكرين كيف جاوب عليه وزير الصحة؟ بضحكة مليئة بالاستهزاء والسخرية والتنقص من اهل الجنوب، اغلب الوزراء والمسؤولين مطنشين هالمنطقة عشان كذا ما فيها خدمات سنعة تخدم سكانها ٢-موظفين البلديات في منطقة جازان فيهم خلل في اداء الوظيفة او ربما الموضوع يحتاج إلى نزاهة ومكافحة الفساد هي الي تشيك وتنبش الموضوع وتعطينا الخبر الاكيد مب معقول الي قاعد يصير هناك ٣-وزارة الاسكان لازم تطل على اهل جازان وتشوف بيوتهم وتشوف حل لهم، شفت مقاطع في اليوتيوب وتويتر، بعض البيوت يرثى لها، يا ليت ماجد الحقيل وزير الاسكان يشوف حل لهالمساكين ولبيوتهم مب معقولة الي قاعد يصير ٤-ووزارة النقل والمواصلات لازم تشوف حل للشباب الي يبون يدرسون جامعات في الرياض او جدة او الشرقية ومب قادرين يروحون لهالمناطق بسبب قلة ذات اليد فيضطر يترك الدراسة ويعمل بشهادة الثانوي ٥-فلوس الزكاة والصدقات ليه ما توصل لاهلها المستحقين، واللستا تطول وكلنا نعرف الجواب بس ما نبي نقول سوالك جريء على فكرة، وكان جوابي برضو جريء لدرجة اني ذكرت اسماء وزراء!!!

انا مب من جازان ولا من الجنوب كلها بس معقول ما تعرفين السبب؟ الشمس ما تغطى بغربال والاسباب واضحة...