مشكورة أختي / بنت رنيه وزفات رائعة وإن شاء الله عروسنا تختار منها ، بس المشكلة بالكوافيرة الممتازة ، وإذا ما كان بحائل إذا أحد يعرف كوافيرة تجي بالطيارة إلى حائل وبنفس اليوم ترجع مش مشكلة بس يكون شغلها حلو مررررررره .

معقول حائل ما فيها كوافيرةة ممتازه ، وينك ياااااا بعد حيي ؟!!

أنا مو من حائل بس ساكنه فيها وما أتوقع فيها شيء عدل لاكوفيرات ولا خياطين ولا قص قولي لها تدبر نفسها من المدينة اللي هي فيها واللي يعينها علي الإحباط من السكن في حائل
أنا أكرهها

صادقه اخت صابره
انا جربت مشغل هناك غالي على قل سنع وشفط فلوس اغلى من عندنا با الشرقيه
الحمدلله اني مش ساكنه هناك

ليش وش دعوة هالكلام الا فيه كوفيرات القص في الأزياء الراقية في سماح سنتر
أما الخياطة فيه مشغل المناهل فيه حرمه كبيرة مرة خياطتها ممتازة وفيه خياط الحمود بحي صديان الشرقي خلف النعمان
الماكياج فيه كثير(صفاء،نيلي،بدريه)
أما من ناحية الغلى حنا أهل حايل فينا كرم وفينا حياء زايد مانقول غالي أسعارنا مثل غيرنا.

وبالتوفيق

أخواتي / صابرة وغنوجة صراحـــــــــــــــــــــــــة كلامكم محبط بس معقول منطقة مثل حايل مافيها كوافيرات سنعات؟!


أختي / مزيونة البنيات
مشكورة على ردك اللطيف ،كيف ما تكون حائل دار الكرم وقبر حاتم فيها ، بس بأسأل عن الكوافيرات ه جربتي مكياجهم أو شفتي عروس مسويلها مكياج ، وبعدين هؤلاء : صفاء ، نيلي ، بدريه وين ألقاهم وإذا عندك أرقامهم ممكن ترسلي لي عالخاص ، وأيهما أفضل بالماكياج والقص .

وبما أنك من حائل ، ماهي أفضل الصالات الرياضية هناك ( ثقلت عليك ) ، مع الشكر الجزيل .