بنات حالتي النفسية سيئة واهلي مايراعون مشاعري وانا صايره عصبية منهم ومن تصرفاتهم

السلام عليكم

:icon33:

ياربييي احس اني ودي اسوي عمليه تفجيريه من شدة الضيق
ولا ودي اصارخ بصحراء باعلى صوت اطلع الحرة اللي بقلبي

مشكلتي لي يومين نفسيتي دماااااااااااار ومتضايقه وحساسة جدا ومحد يسأل عني وشفيني ولا حتى يخفف عني لو بكلمة حلوه وحده بس

ماعندي خوات في البيت ومافيه الا انا بين اخوان ذكور
امي وبوي بينهم مشاكل

ابوي اناني مايحب غير نفسه رمينا ببيت حتى الغرفة ماعندي غرفه انام مع اخواني:icon33:

ولا حتى يطلعنا وعيب اني اتدلع عليه ومايطلعني الا برغبته وفي السنة مره وحده


ذبحتني مشاكلهم هو وامي انا اللي قاعدة اعيشها بلحالي وزيادة امي تجي تبكي عندي وتتشكى من ابوي :icon33:

وعلى هذا الحال

اخواني فيهم من الخشونة الشي الفضيع

مايراعون مشاعري واحد يدبغ من هنا والثاني يلذع بكلامه الجارح
مايعبروني ويحتقروني رغم اني اكبر منهم بسنه والثاني بثلاث

وزيادة على ذلك ولد اختي اخلاقة سيئة سيئة سيئة لابعد الحدود وفي الاجازات ياكل وينام عندنا
والحين بمرحلة المراهقة جايب لي الضغط والقولون العصبي

وامهم تحاول تهديهم وتربيهم لكن مافيه فايده

وامس لاحظت انها وقفت مع ولدها ضدي يوم سبيتها قاموا علي عيالها بالكلام الجارح ولا كأني خالتهم

يوم سبيتها وبينت زعلي

قالت معليش بس انا ابغاهم يدافعون عني ومعلمتهم على انهم لايرضون على امهم مهما كان الشخص

طيب انا وشذنبي انا خالتهم كيف يجرحوني ويتكلمون علي امام الجميع بالكلام السيئ

سبيتها وسبيت ولدها وفي النهاية قلت لاعاد نشوفكم

وهي اول مره اقولها

وحسيت بزيادة ضيق بعد هالموقف

يوم جيت انام ماغير :icon33:

امي شافتني ولاسألت وشفيني

تمنيت انها تجيني وتضمني وتسأل عني وشفيني

نفسيتي تعبانه وابغى افضفض بس امي مهي حولي مررررررر

آخر شي والله اني ابكي من شدة القهر لان محد يعبرني لابكيت ولاتعبت نفسيتي

وبعد يوم رحت عندها وانا وجهي منفوخ من البكاء

وعلمتها بحالي وقلت ابي اروح عند اخصائي نفساني رفضت بشدة

قلت لها ابغى افضفض قالت وش عندك تفضفضين انا ماقصرت معك

الشغل كله على راسي (وانا والله اساعدها بس دايم تنكر شغلي حتى صابني احباط معد ابغى اشتغل في البيت من كثرة تشاكيها ضدي ودايم تنكر اني ماسوي معها شي ):icon33:

ومن اليوم معد لي نفس اساعدها يجيني غثيان والله اذا فكرت اني اساعدها

هالكلام لحاله جرح بقلبي

آآآآآآآآآآآآآه يابنات

والله ان قلبي مشلوع شلع من كثرة الجروح

المهم الحين اليوم الثاني مابي احد يتكلم معي ودي بس اصييييييييييح وبس:icon33:

وياكثر ماصيح بس ماحس انه يفيد او يخفف مدري ليش

احتاج حد يخفف عني بالكلام ويفهم وضعي ويضمني لصدره بحنان

لابو صاحي ولا ام حنونه ولا صديقه صدوقه ولا اخ طيب وحنون

وزيادة حقوقي كلها مهضومة

وخواتي بعيدات عني

ونفسيتي متعبتني

بنات تكفون شسوي والله اني قاعده قدام الشاشة وابكي وقلبي يتألم اشد الالم

استغفر الله

حتى الصلاة مالي نفس اصلي استغفر الله العظيم

افكر اني ادور لي شباب يكلموني ابي اكوي اهلي ابي اجرحهم وابي اعطيهم درس بحياتهم ولو كلفني الكثير

والله بنات اني نفسي اسمع حد يقول (غادة)حبيبتي دموعك غاليه وصدري مفتوح لك اشتكيلي :icon33: