بنات حالتي حاله انا في مصيبه يا اخواتي ادعولي

السلام عليكم ورحمة الله وبركاته ابي ادخل في الموضوع الاسبوع اللي راح كتبت موضوعين الاول انا حامل ومدري وش بي والثاني بنات انا سقطت والحمدلله على كل حال

امس انا رحت لهلي بعد معاناة اسبوع مع النزيف والتعب وايضا مع هالادوية اللي انا تناولت امي شافت بطني وقالت لي يابنتي بطنك ما افش معقوله ترى حملك فيك قلت لا يمه مستحيل الدكتور كشف علي بالاشعه قال الرحم نضيف اللهم بعض التجلطات هنا وهناك وصرف لي حبوب يقول تساعد على تقلصات الرحم بصراحه انا ما اهتميت بالحبوب هذي وتركتها وقلت الطب الشعبي كفيل ان شاء الله انه ينظف الرحم المهم النزيف اسبوعين واكلت ادويه نزلت مني اشياء كبيرة ما تصدقون شكلها حتى وانا اعلم امي بوصفها قالت امي هذي المشيمه نزلت

وطبعا مثلكم عارفين بهالوضع المراة وش تاكل انا شريت ادوية جديدةو خلطتها وشريت من حرمها اعرفها ادوية خاصة بهالوضع ولي اسبوع وانا ما اتناول اكلي الا ومعه ادوية عشبية ولا بعد كبو في الصباح والمساء وضوء وكل شي ممكن تتخيلية حتى قشر القهوة ما يفرق الترمس على اني مسقطة بس اللي مضايقني بطني كل ماله منتفخ صح احس بخفة اشوي عن الشهرين اللي راحن بس اذا صليت احس اسفل البطن بثقل وكانه كورة بنات والله حاسة بضيقه وخوف المهم انا منحملت وانا اردد اللهم ان كان رحمي فية جنين فاني استودعتك هذا الجنين من التسقيط والاجهاض ومن التشوه والاعاقة حتى وانا انزف كنت اردد هذا الشي على امل ان حملي يستمر المهم وانا راجعه من اهلي قلت خلينا نمر الصيدلية واشتري تحليل منزلي ويوم جت البارح الساعه اربع قمت من النوم وحللت مثل ما هومطلوب المهم ماطلع شي بس لما جيت ارميه بالزباله الساعه تسع الا واشوف خط يلوح بالافق وكل ماله يبين بالجهاز قلت الحمدلله ما فيه حمل وارمية بالزباله وبعدين تراجعت وحطيته تحت مخدتي والساعه اثنى عشر الظهر اطلعه من تحت المخده الا واشوف الخط الثاني طالع بس خفيف ولما جاء العصر اليوم والخط الثاني بين وواضح الجهاز للمعلوميةاسمه سمات ستريم اتش سي جي للمصال

بنات معقوله انا حامل ياربي وان كنت حامل هالادوية اللي انا قربعتها وش راح تسوي بنات تكفون فيه احد صار له مثلي تكفون ادعولي ان الله يحفظ هالجنين من التشوه والاعاقة تكفون بنات الله يفرج همكم انا دايم اقول اللهم اجعلني بين رحمة يديك ولا تجعلني بين ايديهم معقوله يابنات انا اذيت هذا الطفل بهالادوية يالله لطفك ورحمتك بس بنفس الوقت احس براحه داخلية مدري لية بس هذا اللي صار فيه احد صار له مثل اللي صار لي
رحت هالحين للصيدلية واشتريت جهاز تحليل ثاني وبكرة الصبح بروح احلل بالمستوصف والله يابنات ما تتخيلون عظامي من الضهر فيها تنميل من الصدمه ارجوكم ثبتو الموضوع لو اليوم وبكرة