وجبتلك طريقه من منتدى ثاني..وماأدري أذا قصدك هالطبخة ولالا
مقادير وطريقة التحضير:اول شي اجيب لحمه غنم قطع كبار افضل وارش كركم على اللحم بعد كذا اضيف البصل والطماط المقطع يعني حبتين بصل متوسطه و٣ حبات طماط مقطعه صغار اضيف بهار مشكل وصرار حايل يعني فلفل احمر ناعم وحار والملح وفلفل احمرواخضرطازج بعد كذا اصب المويه الحاره على اللحم كل شي ني لاتحمسن البصل والطماط واغطي القدر واتركه حتي تستوي اللحمه تمام اشيل اللحمه بقدر ثاني واخلي مع اللحمه مرق اخذ من مرق اللحم شوي واطبخ فيه كوسا وقرع وممكن فصوص بصل مرق اللحمه اصفيه زين ارجعه بالقدر اللي بضيف الرز فيه اكون مكشنه بصله وحبتين طماط ونص علبه صلصه. وملح شوي واضيفه على مرق اللحمه اخليه يغلي شوي اضيف الرز اكون منقعه الرز ساعه والرز مزه بوندي مقدار المرق ارتفاعه عن سانتي ونص نبي الرز نثري مب معجون ولاماتصير كبسة حايل لما يجف المرق نهائي اضيف بصل مكشن مع زيت وزبيب وليمون ناعم اسود واغزز قرون الفلفل واتركه حتى يستوي الرز تماماً بعد كذا احمي اللحمه واغرف الرز بصحن التقديم وارش الزبيب على الوجه واضيف اللحمه واحط الخضار على جوانب الرز وحلقات ليمون وقشرالليمون احط فيه فلفل احمر ناعم وبالعافيه.
شوفي اذا قصدك كبسه اهل حايل ترى لهم طريقه معروفه وخاصه للذبايح بس نهتم بالبهارات لاننا نسويها بانفسنا يمكن هذا الي يميز الطبخ وخاصه المفاطيح
نفس الكبسه العاديه بس رزهم يكون مزه مو بشاور والخضار يطبخون بنفس المرقه وقبل مايحطون الرز يطلعونه ويكبسون الرز ويصفون الخضار ع الرز طبخهم يجنننن
الصفحة الأخيرة
أي طبعاً هذي مشهوورة عند الشمامره أسمها الكبسة وطريقتها..
تطبخين الخضار الموجودة عندك وإذا معها لحم بتكون أحسن
أول شيء تحمسين البصل لين مايذبل وبعدين تضيفين الطماط والخضره وتضيفين
البهارات وليمون اسود وملح وصلصة طماط وأعواد قرفه وتحركينهاوأذا عندك لحمة تحطينها فوق الخضار وتحركينها بشويش
وتضيفين المويه تكون أزود من نص القدر وتخلينه نص ساعة او ساعة إلا ربع ع النار
وأخر شيء تضيفين الرز ع المرق وتحركينه وتقصرين النار لين ماينضج وصحة وعافية.
لاتنسيني من دعواتك بالحمل وكل محروووم ..وسورري إذا شرحي مو واضح