بنات حبوب الدفستون متعبتني تزيد علي اللوعه شاسوي؟

يمكن اللوعة اللي عندك مو من الدوفاستون ...يمكن شي طبيعي عشان الوحم أنا عن نفسي كنت بأستخدم الدوفاستون باستمرار حتى قبل الحمل عشان ينظم الدورة وماكان يسبب لي أي مشاكل . التعب اللي انتي فيه من الوحم ودايما الشهور الأولى تكون متعبة بالنسبة لحركة الجنين ماتحسين فيها بالثالث بس عند الدكتور حتشوفي الجنين وهو يتحرك في الألترا ساوند
واذا كان هذا حملك الأول فما راح تحسين بالحركة بدري.. واطمني على الجنين أنا أعتقد انه مادام مافي نزيف ولا أشياء غريبه بتنزل منك فانشاء الله يكون الجنين بخير.

حيبتى احتمال صدق ان اللوعه نصها من الحبوب..بس انتى بشهر مرررررره صعب والوحام فيه اشد شئ

لا تحاتين لو ما اكلتى..فى الشهور ال3 الاولى ما يضرك شئ انشاء الله الجنين ياخذ من دمك ولا ينقصه شئ


انا مثلك الى الرابع وانا والله لو اشرب المويه رجعته شوفى وهو مويه واحس بلوعه وكانى ابرجع

عموما لما تنتصفى بالرابع يبدا الاكل الزين وان شاء الله الجنين يكبر وتفرحين فيه

اما حركته ما تحسين فيه الا فى الخامس انتى بدرى عليه الحركه
وما تشوفييييييييين شر

حبيبتي الله يسر أمرج بس معلومة حبيبتي الدوفاستون أو الفوليك آسيد مالهم أي دخل باللوعة اللي عندج أنا آخذ دوفاستون وفوليك آسيد بس مافيني لوعه بالمرة الحمدلله في البداية كنت خايفة بس الدكتورة طلبت مني أسأل أمي إذا هي وقت حمالها تجيها لوعة ؟
قالت لي أمي انها تبارك الرحمن حملت ثمان مرات ولا مرة فيهم صابتها لوعة أو انها رجعت وبعد ما خبرت دكتورتي قالت لي انتي وحامج على أمج علشان جي ما تجيج لوعة فلو كان الدوفاستون يسبب لوعة كان لاعت جبدي وسألت كذا صديقاتي الحوامل اللي يدامون على الدوفاستون بس ولا حد قال انها سببت لوعة .
وعن قلة الأكل وعدم الشهية أنا نزلت 3 كيلو من حملت للحين حتى كل اللي يشوفني يقول راح تختفين وهذا لأن أول ثلاث أشهر تحسين انك مالك خاطر بالأكل وأنا بعض الأحيان لما أشم أي رائحة حتى لو أكل أنفر منها أحس اني برجع على الفطور بس آكل تمر ولبن وحبة سمبوسة وكوب ماي خلاص عقبه ماآكل أي شيء لولا خوفي على الجنين اللي ببطني حتى السحور ما اشتهيه بس أجبر نفسي.
عسى الله يتمم علينا حمالنا على خير ويرزق أجنتنا الصحة والعافية ويسهل علينا الطلق يارب ياكريم.

شكرا حبيباتي جميعا
بنات انا الدفستون ما كان يسبب لي لوعه قبل الحمل واوله
من دشيت الثاني صرت ما اح باللوعه الا لما اكل الحبه
بنات الدوفستون مهم وايد ولا شنو لاني قطعته ما اقدر عليه
سمعت بس الي عندهم نزيف ياخذوونه