أم ذي شأن :

بخبرك قصة صارتلي بس بالمختصر علشان تعرفي انه رب العالمين مع المظلوم ولو بعد حين ....شوفي حبيبتي ظلمتني وحده ظلم ربي بس يعلمه وتبلت عليا قدام اهل زوجها واهانتني اهانه ربي يعلمها ... وكنت ذيك الفترة ببيتها انا وزوجي وابني لان ظروفنا كانت صعبه جدااااا ومانقدر نستأجر وتبهذلنا واااايد بالاول جعدنا عند اختي وما عجبها الوضوع اختي وطلعتنا وقالتنلنا شوفولكم بيت مع انها ما عندها زوج وبيتها كبيييييييييييير واولادها اثنين فقط ومع ذلك قلنا يالله وخرجت لبيت صديقتي وجعدتني بملحق لها في الفيلا حقتهم واقسم لك بالله كان شكل الملحق مأساوي جدا وحشرات من كل مكان وما في تكيييف آآآآآآه ياربي ياحبيبي ياللي صبرتني ... المهم اتفقت معاها بعطيها 100 ريال كل شهر يعني 1000 بالسعودي وطلبت مني اطبخلهم الغدا لانها ما تقدر بسبب بناتها الثنتين وتريدني في نفس الوقت اعلمها ... بالاول وافقت وقلت كفاية انها رضت تحطني ببيتها بس بعدين شفت الهم على اصوله .. تخيلي الغدا وغسيل المواعين وتنظيف المطبخ على راسي وهي ما تشيل ورقه من الارض , رجولي تورمت وصارت عندي تورمات غريبة وبقع بنفسجية من الوقفة والتعب وياريتها تقول شكرا إلا تاكل وتكرع ... ومع الايام قاموا يمدحون طبخي حماتها وزوجها واهل زوجها كلهم كانوا يقولون لها تعلمي منها وبصراحه قسما بالله ماشفت من اهل زوجها الا كل خير ... بإختصار كان شكلي مثل الخدامات بالضبط وربي يشهد على ما اقوله .. الاخت غارت وما عجبها مدح العالم فيني وفي طبخي واهتمامي بزوجي وابني والملحق اللي كان زباله نظفته وجعدت بيه ولا اشتكيت وقاموا يدعون لي بالخير ويدورولي على وظيفه ويساعدوني بكل اللي يقدرون ...ألين ماقررت الاخت انها تقلبهم عليا وراحت لعند اختهالكبيرة وكانت وصلت عالبلد من كم يوم بس , وقالتلها شو الله اعلم عني وعن ابني, وما اشوف الا اخت زوجها جايتني ترمي كلام زي السم وانا اطبخ بالمطبخ واغسل , وجعني قلبي وقلت يارب فرجك انا تعبت ... واليوم الثاني نفس الشي جاتني تقولي اخت زوجها وهي شايفه حالها وكنا وقتها بشهر ابريل "يا ام فلان معاكي من هنا لنهايه الشهر شوفولكم بيت تجعدون فيه احسلكم بدل هالملحق !!!" اخوي ما يقدر بصراحه على مصرفكم !!! انجرحت جرح ربي العالم بيه وصدقين انا اكتبلك هالكلام وعيني تدمع من ذكريات ذيك الايام , وفعلا لميت شنطتي واغراضنا وطلعت انا وزوجي يومين بالضبط بالمسجد جاعدين هو بقسم الرجال وانا وابني بقسم الحريم ويدور على بيت ألين ما لقى بيت عبارة عن غرفه وحمام ومطبخ و100 ريال يعني نفس الشي ورحنا هناك وجعدنا وطويت هالصفحه من حياتي وانا اقول يارب انا اعرف انه صاحبتي هذي خبصت بالكلام عليا اوانت تولاها بمعرفتك اذا كنت ترضاها ليا فأنا راضيه وان كنت ما ترضاها فتوكلت عليك واعرفك بتاخذ حقي ... وجعدنا اسبوعين ومالحقنا نتهنا وعمل زوجي عمليه إزاله الغده اللعابيه لانه كان بها ورم حميد والحمدلله وقلت الحمدلله , ودخل رمضان وايامه اللي كلها بركه واتصلت صديقتي تباركلي بالشهر وتستسمحلي فقلتلها الله يسامحك واقسملك بالله قلتها من قلبي ... واللي صار بالعشر الاواخر اتصلت أم زوجها من الاردن (هم على فكرة من الاردن اهل زوجها) وسلمت عليا وللامانه لما صارت هالمشكله هي ما كانت موجودة العجوز الكبيرة كانت سافرت , وقامت تعتذر وتبكي وتقول انا اعرفك معرفه زينه انتي طيبه وكنتي تداريني وتشيليني وتطبخيلي وما كنتي ترتاحين ابدا وتوني بس اعرف الموضوع من بنتي الكبيرة (اللي هي نفسها اللي قالتلي شوفولكم مكان ثاني) وهذي هي معاكي تريدك , وكلمتني وقامت تعتذروتقول اقسم بالله ما كنت اعرف انك تدفعين ايجار المكان 100 ريال وما اعرف انك انتي اللي تشيلي اولاد اخواني الاثنين وتغسليهم وتشطفيهم الله يكرمك هي مفهمتني انها هي اللي تعمل هذا كله !!! وماكنت اعرف انك تطبخين وتغسلين وتنظفين لها هال.....وتشتم وتشتم فيها ,وتعتذر وتعتذر وتقول امنتك سامحيني انا عندي بنات متزوجات والعفو عند المقدرة ....ألخ وسامحتها من قلبي تعرفي ليش ؟؟؟ لانه ربي جابلي حقي بعد 4 شهور من الهم اللي شفته منهم وما كنت اقول واردد غير لا اله الا انت سبحانك اني كنت من الظالمين والاستغفار ... ثقي انه الله اسمه العدل وحاشا لله انه يكون ظالم وتأكدي حقك راح يجيك ان شاء الله انه يفرج همك ويستر عليج ويوسع لنا رزقتنا يارب ...

بخبرك قصة صارتلي بس بالمختصر علشان تعرفي انه رب العالمين مع المظلوم ولو بعد حين ....شوفي حبيبتي...

ايامي اجمل :

انا مثلك قلبي يوجعني مووووت الناس لاترحم ولا تخلي رحمة ربها تنزل شافوني هالعيد فرحانه ومبسوطة ومتغيره ومنشرح حالي وقلبولي حياتي والحين خلاص اتدمرت حياتي مع زوجي وباقي بيني وبينه ورقة الطلاق حسبي الله ونعم الوكيل حسبي الله ونعم الوكيل والله قلبي موجوعويالمني اول مره احس بهالاحساس الله يفرج همنا يارب ويبدل غمنا لفرح وسعاده

انا مثلك قلبي يوجعني مووووت الناس لاترحم ولا تخلي رحمة ربها تنزل شافوني هالعيد فرحانه ومبسوطة...