بنات حريم أنا ................ادخلوا الله يجزاكم خير

اللي بينك وبين زوجك تحفظي عليه ومشاكلك لاتخرجينها للناس وزوجك اثقلي عنده الرحال مايحبون الحرمه اللي تقول كل شئ واذا بتستشيرين احد مو قدامه حتى لايقول ضعيفة شخصيه ولاتحطمين نفسك الموضوع سهل يبغالك تقوين ثقتك بنفسك ودامك ام وصارعندك اطفال صرت مسؤله واسالي نفسك قبل ائ شئ ليش اسالهم انا ماني جاهله ولا هبله وعندك صاحبنا قوقل مايقصر بالعكس ابحثي وتثقفي وابهريييهم بالمعلومات وطرق الحلول بس انتبهي لاتاكلين مخهم وسلامتك يالغلا

مادري وش اقوولك
بس حاولي انك تكتمين السالفة لو هي عاديه ودربي نفسك كل سااعه عليها وكل سالفة اكتميها وبعدها سالفتين وهكذا والله يغير حالك يارب
الطيبة بهالزمن تسمى غبااء ويا كثر من يستغلها والله يعين

أختي انتي طيبه زياده عن اللزوم..بس مشكلتك هذي مايبيلها الا شوية تعودعلى بعض التصرفات الجديدة عليج ومع الوقت بتكون هالعادات الجديده جزء من حياتج..

اذا احد غلط على عيالك عنفيه بس وكأنك تمزحين خصوصا اذا مستحيه من ام الولد او البنت..قولي هاااااا تراني ما ارضى احد يغلط على بنتي اللي يغلط عليها ترى ياويله مني ..او ترى ما اجيبها تلعب معاكم مره ثانيه..او حتى تبينين انك غضبانه بنظرة سريعه بعيونج..

شوفي اي شي شخصي ابتعدي عن التصريح به امام الناس حتى لو من حتى لو اقرب صديقه..هذي اشياء شخصيه اذا سألوج اشسويتي لزوجك قولي والله ماسويت شي شلونك انتي وزوجك قولي الحمد لله وقفلي الموضوع وفتحي موضوع ثاني..ترى الناس تحط فبالها اشلبستي واشسويتي واشقال زوجك ضحك ولا ماضحك..اهم شي خصوصياتج تعوووووووودي ماتبوحين فيها..ولا تأمنين لأحد..

ولو تسالين خواتك حبيبتي مافيها شي بس انتي طبعا اتوقع صار عندك خبره لما اولادك يمرضون عن كل مرض وشنهي اعراضه فمايحتاج تسألين وديهم للدكتور وخلاص خذي كل التعليمات منه..ومافيها شي اذا استشرتي خواتك..

واذا على السوق حدث ولا حرج كل الناس اذواقها صعبه وانا مثال رايحه وجايه ولا الاقي مطلبي.
وبعدين في اشيا كثيره الواحد يعود نفسه على انها تبقى سر وانها مالازم تطلع واذا عودت نفسي على هالشي كان صعب في البدايه بس بعدين خلاص..

نصيحه اي شي بينك وبين زوجك مشكله الله لا يجيب المشاكل ان شاء الله ..ليله سويتها لزوجك.. امور شخصيه تهمه او تهم شغله..لا تطلعينها لأحد المشكله اذا دخل فيها اكثر من اثنين تكبر ولو كانت تافهه واذا علمتي اهلك فيها ممكن تكون نقطه سوده على زوجك انتي تنسيها لكن اهلك ماينسوها والناس ماتنساها وترضين وتنسين السالفه وغيرك يظل ذاكرها..


وارجع اقولك انج انتي انسانه طيبببببببه وعفويه جدا وبسيطه هذا هو تحليلي للمشكله اللي تقولين انها بتخليج تنتحرين لا تخلين الوسواس يلعب فيج مافيج الا العافيه...

للرفع

ملكة الليل >> انا عيبي اذا اذا احد تكلم عن زوجها او عن الحياه الزوجيه علي كول احب اسولف بزوجي وعن حياتنا مع ان مشاكلنا قليله لله الحمد