تهوون

تهوون @thoon_1

محررة برونزية

بنات حزينه تعالوا واسوني

الأسرة والمجتمع

السلام عليكم ورحمة الله وبركاته
يعطيكم العافيه حبايب قلبي
قبل كم شهر زوجي نزل سناب وشفت حسابات لكذا بنت يدق اتصال سناب بس مدري مايحصل رد او يكون راسل كلام مدري عنه المهم انا من النوع ال ماتحمل اكتم لان حييل اتعب عندي الصراحه قبل كل شيء المهم واجهته وبرر وحلف ان ماعليه ومايعودها وقبل شهر تغريبا وحنا طالعين الكورنيش رن جواله مسكت الجوال مباشره اخذه قلت له ليه من رد قال لا ذول ارقام الغريبه الدوليه قلت ممكن بس ليه ماعلمني تخانقت معاه وضليت كم يوم صادته وراضاني وبرر باسم الله يحلف ان دولي قلت ممكن صحيح لان ماعمري شفت عليه شيء والان قريب نكمل ثمان سنوات
ايجابياته طيب حنون مايقصر يصلي بس مو صلاته بوقتها احيانا ينشغل او نايم يتأخر شوي قايم بواجباته لي ولبناتي
سلبياته عصبي وبسرعه يندم اغلب وقته شغل مايجلس معانا كثير بحكم الشغل
المهم بنات انا ماني عارفه ل نفسي شكي بمكانه او لا انا حامل اكيد بسرعه اتأثر لكن صايره موطبيعيه مع اني من النوع ال بتاتا مااشك ولا ذره بس الحين فجأه قبل كم يوم فتحت سنابه وشفت حساب بنت اشوف فيه شيء ينرسل بس يحذف المحادثات من القهر ضفتها بسنابي بس ماقبلت لسه
صرت وقت نومي او وانا صاحيه كله افكر اصيح من القهر اقول كيف هو يحلف لي بكتاب الله والحين عادي يكلم هذي خيانه حيل منقهره واقول خلاص بحذف سنابها من عنده بس اقول لا لازم اواجهه شالفايده ان حذفته بتجي غيرها وغيرها لان قبل اذا شفت احذف بدون علمه
بقولكم ليه بدات اشك ومعاي حق او لا
قبل كان دايم تارك جواله انا وياه عادي كل واحد معه جوال الثاني الحين صار حريص ع جواله دايم معه وحتى بطلعته لازم يكون بجواله نت عكس قبل مايهتم الحين بدا يقول مايصير تتجسسين ع جوالي وهو كان معه عادي لو طول اليوم افرفر في جواله
واهتمامه برضو حيل زايد فيني هو مهتم بس مو كذا افكر اصارحه وانهي الموضوع قبل لا يتطور الوضع لاني ماعدت اتحمل احيانا افكر اخذ بناتي بعيد نعيش عنه ماتحمل اعيش مع شخص وانا مب واثقه فيه للعلم عندي بنوتين وحده سنه اول مدرسه والثانيه روضه والحين حامل محتمل يكون ولد ولا خبرته مالي نفس
24
6K

يلزم عليك تسجيل الدخول أولًا لكتابة تعليق.

تسجيل دخول

زائرة
الله يهديه ويحببه فيك اكثر ،،،
العنزيه ١٢٣
العنزيه ١٢٣
الله يفرج همك ويسر أمرك ويشرح صدرك
دورا المسلمة
دورا المسلمة
السلام عليكم
كيف حالك اختي ؟
طبعا للموضوع ابعاد كثيرة ....
انت حامل فرفقا بحالك اختي ....
قبل ما تفكرين بالمواجهة لديك بعض الاختيارات حاولي ان تستفادي منها ....
اذا جلست معه فتحدثي عن امرأة زوجها يتحدث مع نساء أخريات و اسألي عن رأيه و تحدثي انت ايضا عن وجهة نظرك و قولي ما بداخلك ( بطريقة غير مباشرة ) ... و طبعا اذكري الحكم الشرعي لهذا الفعل ....
المهم ان ترتبي افكارك و ان لا تكوني عدوانية و لكن حاولي ان تكوني هادئة و واثقة من نفسك .....
و اعلمي ان بعض الرحال قد يبتعدون عن زوجاتهم اثناء فترة الحمل ، و ليس بالضرورة ان تكون هناك امرأة اخرى و لا شيء ...
تحياتي لك
دارين حسن مستشارة نفسية و زوجية
تهوون
تهوون
زائرة :
الله يهديه ويحببه فيك اكثر ،،،
الله يهديه ويحببه فيك اكثر ،،،
حبيبتي الله يسمع منك وانتي بالمثل يارب
ليلة من الليالي
ليلة من الليالي
السلام عليكم كيف حالك اختي ؟ طبعا للموضوع ابعاد كثيرة .... انت حامل فرفقا بحالك اختي .... قبل ما تفكرين بالمواجهة لديك بعض الاختيارات حاولي ان تستفادي منها .... اذا جلست معه فتحدثي عن امرأة زوجها يتحدث مع نساء أخريات و اسألي عن رأيه و تحدثي انت ايضا عن وجهة نظرك و قولي ما بداخلك ( بطريقة غير مباشرة ) ... و طبعا اذكري الحكم الشرعي لهذا الفعل .... المهم ان ترتبي افكارك و ان لا تكوني عدوانية و لكن حاولي ان تكوني هادئة و واثقة من نفسك ..... و اعلمي ان بعض الرحال قد يبتعدون عن زوجاتهم اثناء فترة الحمل ، و ليس بالضرورة ان تكون هناك امرأة اخرى و لا شيء ... تحياتي لك دارين حسن مستشارة نفسية و زوجية
السلام عليكم كيف حالك اختي ؟ طبعا للموضوع ابعاد كثيرة .... انت حامل فرفقا بحالك اختي .... قبل...
صح