هلا بنـــــــــــــات

انا مالي مواقف كثير بالطيـــــــار
بس اتذكر العام كنت بسافر مع ابوي اخر يوم لي بالاختبارات و كان عندي اختبار كيمياء عضويه ومواااااااااصله مانمت وتوي جيت من الاختبار بنــــــــام إلا امي تقولي جهزتي اغراضك قلت لها لااااااااااا وجلست اجهز اغراضي وانا ميته فيني نوووم ومن الحظ لازم نمشي من البيت الظهر لأن طيرانا من البحرين والله نمت ساعه وجو صحوني والله لايوريك رحت البحرين وانا مصدعه ودخلت المطار صداع غريب وفضيع ولوعة كبد وركبنا الطيييييييييياره وادوووووووووخ زوووووووووود من الاقلااااااع يالله من جد مأساه اتذكر كرهت عمري وكرهت الطيارات عقب ذاك الموقف ولما نزلنا ورحنا الفندق من التعب عيا النوم يجيني ومانمت الا الفجر وصحيت الساعه 6 يمكن نمت بس ساعتين هذي اصعب رحله تعب في تعب ويالله لك الحمد والشكر

الموقف الثاني كنا بالطياره انا واختي والطياره جايه مدري من اي ديره فيها خدم هههههههههههههههه المهم في خدامه جالسه مكان ابوي ولما قلنا لها قوومي عيت ومافي الا انا واختي وابوي مسافرين المهم ابوي راح لمقعد ثاني وحنا بس منقهرين من الشغاله جالسه بمقعد ابوي وجنب الشباك بعد المهم كل شووي نشووف الشغاله تقرا على عمرها وتحط كريم بيدها وتوسوس بقووه طلعت الظاهر قرفانه مننا او مدري وش قصتها هههههههههه المهم انا مع اختي نطالع بعض وميتين من الضحك عليهاااااا واختي صغيره ببتدائي وصارت تجنس فيها حركات بزارين من جد هههههههههههههههههههههههههههههههههه

موقف اخير صار لأمي
كانو راجعين اهلي من تايلند ومارجع ابوي الا مريييييض وجاته سخوووووونه قويه المهم كان نايم وامي مسيكينه بالطياره وحنا اربعه كلنا صغااااااار وطبعاً ابوي تعبان مره وامي مخليته نايم وحنا جنناها بالرحله كل شوووي واحد فينا مسوي شي المهم شاف امي شاب الظاهر كان كويتي وكان شباب عمره حول 18 او 19 ورحم امي وابوي مريض وبلش فينا ههههههههههههههه هو اللي صار يمسكنا ويلاحقنا بالطياره ويساعد امي وصارت مطبات جويه من الحظ والله وابوي شخري وهو مسكين مسكنا مع امي وجاااااي مع اخوياه بس لما شاف امي قعد يمسكنا ههههههههههههه والله كأني فيه ابتلش 8 ساعات وهو وارط فيني حرم شكله يساعد ام بزارين ههههههههههه


الف شكر

شايله هموم
ما فهمت كلامك ؟ ؟ ؟ ؟ (الي انتي عاجبته برستيجك )

شايله هموم حكينا كيف خطبك؟
طب الحين كيف متزوجين ولا بعد؟
شوقتيني اعرف قصتك ..

up

انا هذه واحدة من سفراتي عاد انا غير انا كانت رحلتنا الاقلاع الساعة2 الليل لالمانيا وابوي كان في الدرجة الاولى واحنا بعدين عنوا وانا واخواتي وامي جالسين اختي جنمب الطاقة وانا جنمبها وكان قبلها بساعات جاتني الدورة الله يكرمكم وانا تعبانة في الطيارة والا اشوف واحد قدامي اجنبي يطلب ويسكي قامت قالتلوا المضيفة لا مانقدر احنا لسة في خطوط السعودية لمن نطلع من الحدود بنجبلك انانسيت الموضوع ومر الوقت الا يقدموا العصيرات ومرت من جنمبي وطلبتلي موية وهي حاطة العربية جنمبي وقاعدة تصبله الويسكي انواع واشكال المهم حومت كبدي الريحة وصبرت وتكرر الموضوع اربع مرات رايحة وجاية تصب له وهو قرقع قرقع بس يبلع ويطلب مرة ثانية لين ماسار يضحك هو وصاحبة وانا اقول الحمدلله والشكر المهم اخر مرة جت عندي بتمر الا انا استفرغت على الارض (اكرمكم الله) هههههههه والمشكلة جنمب الرجال والمضيفةخليتها ماتمر من جنمبي وماقدرت تمر وابوي طبعا جاء جلس معانا ويقولي نامي وماقدر انام الدنيا تخوف بس صراحةالريحة حومت كبدي وفي النهايه شافتني تعبانةجاتني الصبح تقلي تبي كرواسون بس الصراحة تعبت في الرحلة لانها كانت طويلة

ههههههههههههههه
الله يسعدكم يارب ضحكتوني والله وناسة