انا والله مع كثر ركبي لطائره بس مازلت اخاف منها ومن شان كدا قبل الرحله اسهر من شان انام بطياره طول الرحله ايش رايكم من جد حلو واذل قربنا يصحيني زوجي

:) :) :)

ههههههههههههههههههههههههههههههههههههههههههههههه طخومة ضحكتيني الله يرجك

عاشقة المستحيل
ذكرتيني بموقف مرة على الخطوط الامريكية المضيفه جات توزع العصيرات والمشروبات
والوالد كان نايم وجات تسأل الوالده اش تشرب طبعا امي مو ذاك الزود بالانجليش فشافت عصير شكله مغري وفيه رغاوي قالت لها <ذس> يافرحتها على بالها بيرة زي اللي عندنا
وقامت تشرب وتبلبع فيه وحاسه ان الطعم غريب بس قالت اكيد بيرتهم غير ماتدري ان بيرتهم بكحول مو زي اللي عندنا
الى شوي الوالد صحي وشافها بغى يتجنن ويسألها اش تشربين قالت له بيرة
زهم المضيفه وعرف انها شمبانية طبعا طربق الطيارة على اللي فيها على راس هالمضيفه كيييييييف تعطينها شمبانية ماتدرين اننا مسلمين (وهي وش دراها) وهي تقول بالانجليزي هي اللي طلبت ..
وعاد امي مع طول الرحلة 12 ساعة غير الترانزيت استلمت الوالد وتقوله احس اني مبسووووووطه مع انها ماشربت منه الى شوي بس حركات عشان تجننه ..


وفي موقف بعد ثاني مع هالمشروبات الزفت بس بعدين ارجع اقولكم عليه ..

يا الله مواقفكم مرة حلوة
الله يستر لمن اجيب بزورة و اسافر

مرة كنا رايحين مصر قبل ما اتجوز و انا و اخواتي قاعدين جمب بعض
و كان وقت فطور فالمضيفة قالت لاختي عايزة فووووول و لا بيييييض قالتلها اختي بيييييض
و سرنا بس نضحك و نتريق عليها طول السفرة
و في الرجعة برضو وقت فطور و قالها المضيف فول و لا اوملييييييت قالتلو اومليييييت
و برضو مسكناها عليها
و بعدين راحت الحمام و رجعت و قالتلي حزري ايش الشي اللي بدايتو نهايتو
طبعا ما عرفت بعدين قالتلي حمام الطيارة و سارت نكتة

وفي شهر العسل انا و جوزي رحنا ماليزيا و اندونوسيا
في السفرة دي ركبنا 6 طيارات 3 طيارات انا اسناني و ادني مرة يوجعوني
و 3 طيارات اداني جوزي توجعو
مرة كرهت الطيارات من الوجع و سرت اشيل همها
و احنا راجعين جدة خلاص مرة ابغى اروح الحمام الله يكرمكم و مسكت نفسي 9 ساعات ما رحت و بعدين خلاص سرت معصبة و الشنط ما جات بسرعة في المطار و حموووووووت
و بس
طولت عليكم

الموقف اللي صار مو لي لمضيف طياره مع جدتي الله يرحمها

يوم ركبنا الطياره جدتي كانت تعبانه فجلست على اقرب كرسي جاها المضيف قالها لا هذا مو كسريج راحت للكرسي الثاني نفس الشي مو كرسيها جدتي تمللت فقطت " القت "عليه بيت الشعر اللي صفق وجه المضيف وراح ولا شافته
الله من وقت به الحر حيران ******* وبوحقب عزومه قويه " المضيف خليجي "