لا ياعمري تعالي خوذي اللي عندي انا
بصراحه انت ضربت على الوتر الحساس
هذا ياشيخه العام الللي فات سافرت من الرياض للقصيم بالطياره مع ولدي عمره شهرين بس
وكانكم تتذكرون الجو في السنه الماضيه وشلون كان (امطار وعجاج على طول)
المهم كان اليوم اللي ابسافر فيه الجو دمار
اقلعت الطياره من الربياض والامور تمام وكانت الطياره صغيره وكلها رجال
وانا بالدرجه الاولى وماجنبي احد ومعي رجلين واحد شيخ معروف من الرس والثاني شكله هيبه
ومن يوم صارت بالجو وهي تتطقطق وتهز وانا صرت كذا:o
وخايفه مره
واناس ولا هامهم شي سواليف وضحك
المهم الرحله نصف ساعه وسبحان الله صارت ساعه الا ربع وحنا مانزلنا
شكيت وسألت المضيف قام يطمن زي العاده
المهم انا قاعده اطالع الشباك واطالع وليدي وواضح انه فيه مطر وعجاج
واشوف انوار بس الطياره ماتنزل
والرجال الهيبه اشوفه يمسح وجهه من الخوف
والشيخ يكبر
قلت السالفه عوده
واقعد اصارخ واصيح وتجمعوا علي
وشوي والكابتن يعلن اننا بنرجع للرياض لان الطياره عيت تنزل للمدرج بسبب الامطار والعجاج
عاد تدوروني زماتلقوني
احس انه اغمي علي
قلت الجو بالرياض زي القصيم
وشكلنا بنتعلق بالجو وووو-00000
بس الحمد لله رجعنا للرياض والله ستر
النكته ان معنا عمال هنود كثارين بالطياره ومن يوم ركبنا الطياره وهم نايمين الين وصلنا الرياض والمساكين يوم وصلنا مطار الرياض يحسبونه مطار القصيم
ومن بكرا مشيت للقصيم بالسياره ونفس الشي وقفنا ساعه بالطريق من العجاج بس الحمد لله بالارض ولا في الجو




معليش انا متحمسه

< ياكثر مواقفها يارب سترك بس...

الله يسعدكم ع مواقفكم التوحفه...

ان شاء الله اركب الطياره وواقول لكم عن مواقف لي فيها (اموت في السفر )بس ماعمري ركبتها

ياربيييه ذكرتيني بموقف يفششششششششششششل

مره كنا راجعين من مصر ومعي بنتي عمرها تقريبا سبع شهور

عاد هالعمر غثيث لا يحب يجلس ولا يوقف بس يلعب

ووقفتها على رجولي وانا جالسه وظهرها لمي

يوم دريت ولا الرجال الل قدامنا يلتفت علينا

اثاريها قاعده تطق في راس الرجال اللي قدامنا وانا ما انتبهت

وتاسفنا له وان حنا ما درينا

حلوة سواليفكم ..

أما أنا كرهت الطياره .. من ولدي عسى الله يهديه سافرنا ساعتين فالطيارة وهو عمره سنتين.. بس ساعتين صياح وصريخ وتوتر وترجيع عافاكم الله.. حتى المضيفات كرهونا ..