سويت ايز

شريته ب 85 ريال .. و عندهم للرضاعه طبعاً .. يا بنات لا تفوتونه مريح و ناعم على الجسم

البنات اللي لين الحين الله ما من عليهم ان شاء الله عن قريب نسمع خبر حملكم يا رب

M!ss_P!nk
شريته ب 85 ريال

غريبه انا خذته بــ 49 درهم

هلا اختي وجميع الخوات

القماط اللي خذتيه أنا استخدمته السنه اللي طافت ويا بنتي الثانيه.. بس للأسف ما استخدمته وياها قبل عمر 6 شهور.. لأنه كبير على المولود الجديد.رغم انه وزن بنتي كان قريب على 4 كيلو ولله الحمد

الملابس الداخليه للمولود الجديد أحسن شي بتلاقينه عند البيبي شوب وهذي من خبره والله.أما اللي في مذر كير مثل ما قالولج يتمايط عقب الغسيل ويبلى بسرعه وما فيه أي كواليتي بعد

أما الملابس الداخليه للأم خلال وبعد الحمل فاللي عند ماري كلير أفضل شي .. خاصه لما يسوون تنزيلاتهم تستعجبين من الأسعار على كواليتي ممتاز وموديلات حلوه ومريحه وتتناسب مع الرضاعه بعضها اسباني وايطالي ومن نوعيه تكد وتطول...


بس عندي لكم مكان ثاني فيه أشيا مفيده عن تجربه شخصيه.. كل ما أروح مكان ويا عيالي الناس تسألني عنها

زورو هذا الموقع وشوفو شو خذت من عندهم السنه اللي طافت وكان أروع وأفيد شي استعملته في أول شهور من عمر البيبي (من امريكا) miracle blanket واستخدمته من أول يوم..


http://www.bonnybabies.com/miracleblanket.htm


والمراضع العجيبه اللي ريحتني من سهر طول الليل...اللي عندها حد في أمريكا لا تتأخر.. لو عندي زياده كنت طرشت لكم بس اللي فاض عندي مخلتنه للبيبي الجاي في غضون شهر :D
http://www.bonnybabies.com/handsfreebabybottles.htm


بالتوفيق :39:

أم شمسه

فديتج والله ما قصرتي على هالموقع الرائع

قوليلي هالمراضع كيف استفدتي منهم...لاني راويتهم خواتي قالولي شو فرقت و كيف بتحطينها حق الياهل ... و انا اول بيبي لي و بعدني ما ولدت و ابي اخذ اشياء حلوه و مفيده

فديتج هذا أكثر شي فادني لأني أرضع البيبي صناعي مع الطبيعي .. يعني في الليل وقت الرقاد وخاصه أول 3 شهور الوحده منا تهلك من السهر ويا البيبي ينش في اي وقت يبا يرضع.

ميزة هالمراضع انج تجهزينها عادي يعني نفس اي مرضعه ثانيه ,لكن لها توصيلات نفس ما تشوفين في الصور ..
بعد ما تتأكدين من تركيبها صح ..تعطينها للبيبي نفس المصاصه بكل بساطه و بدون ما تضطرين تمسكينها طول الوقت !!
أنا أخلي المرضعه في سرير البيبي جنب سريري ..وأول ما يجوع ويصيح أعطيه المصاصه وأرجع أكمل رقاد وبس ..والمرضعه تم واقفه مكانها !! يعني تشتغل نفس حال يوم ترشفين العصير .. هذا كل ما في الموضوع..

والشي المأمون فيها اذا رحتي في سابع نومه والبيبي بعده يرضع ترومين تتركينه لأنه ببساطه اذا أصلا ما مص منها ما يطلع الحليب ويتسرب في فمه أبد. وما منها خوف من ناحيه الغازات بعد لأن الأنابيب اللي مسوينها ما تسرب هواء للمرضعه :)