حياتي=بدر @hyatybdr

محررة

بنات حضرت عرس وخفت على العروس من المشفوحات والطفيليات الي بالعرس..!!

السلام عليكم ورحمة الله وبركاته..

بنات البارح كان أخوي معزوم زواج قلت رجلي على رجلك بروووح أتفرج ووسع صدري قال مو مكتوب بكرت الزواج هات اختك معك قلت مو لازم يعني بنقص من قهوتهم وشاهيهم وعيشتهم بنلطع على طاوله وبتفرج على الناااس المهم رحت لزواج كان بقمة الروعه بس بصراحه فيه شيء ماعجبني ((زفة العروس)) يااختي والله خفت عليها معني ماعرفها يوم انزفت وتجلس بالكوشه وانزف عريسها وجلسو جنب بعض هالحريم رايحات جايات من عند المنصه وقز من العيار الثقيل وتمر وحده من عندي قالت وي وي زوجها احلى منهااا بكثيرر والشفاحه بنبرة الصوت والنظرات ..

الزبده من طرحي للموضوع أي بنت على وشك زواج لا تحط زفه والله أحسها تضرهاا ماتنفعهاا والعين حق والنفس شيييييييينه ..

وسلااااااااااااااااااااااااااامتكم
:)

يلزم عليك تسجيل الدخول أولًا لكتابة تعليق.

تسجيل دخول

اموره الدبدوبه • 13 سنة

صدقتي اختي والله بكل كلمة قلتيها صحيح الزواج بدون زفة مو حلو بس احسن ماتخرب حياتي عشان شوي مظاهر لا راحت ولا جت يعطيك العافية خيتو وعقبالك اذا كنتي مو متزوجة :)

r1ksa • 13 سنة

انا ما افضل دخول العريس لان في ناس هالايام يحبون الاستعراض
مو عن غيره عليه او شيء
لكن عشان لا تجيبين لنفسك الكلام ويقولون عرس فلانه كله قلة حيا

أميرة الورد03 • 13 سنة

العرس بدون زفه زي القهوه بدون حلى .هع هع

العروس تقرا الاذكار وترقي نفسها وتنزف وخل اللي ينشفح ينشفح

اهم ماعلى الوحده وناستها

انا انقهر لما اروح عرس وماتنزف العروس وش ذا

ليه مسويه عرس اجل!!!

@لسعة شقاوه@ • 13 سنة

بالعكس احلى شي بالزواج زفه العرروس وهي ليله من العمرررررررر
تحصن نفسها ومو ضرها شي بااذن الله وعاادي خل يشوفون وش علي من الناااااااااااس ااناااااا كلامهم لايودي ولايجيب وحسااد بكل مكااان سوا سويتي زفه ولااا

وع طاري المعررس مااايد دخوله وحتى لو ماادخل ماراح يسلم من كلام هو وعروسته....

سمو الاميرة20 • 13 سنة

رفع