ررررررررفع

مشكوورات بنات والله يجزيكم كل خير ..

حبيبتي انا من اول كنت مقتنعه بسالفة ان الحريم ما ابي لهم غرفه خاصه و كنت ابيهم بالصاله بحيث جلستنا بتكون بالصاله اللي فوق و نفس كلام زوجك اذا جو لحالهم اخليهم بالمجلس.. بس كل هذا لان مساحة البناء عندنا صغيره.. اللي صار ان المهندس قدر يسوي غرفه حريم بس طلعت مساحتها صغيره لذلك غيرنا بالتصميم بحيث تصير بجنب الصاله و ينفتحون على بعض و نرفع مكان جلسة الحريم بعتبه و بهالشي قدرنا نوازن بين اللي نبيه و بين اللي لازم نسويه..

تصير زي كذا مثلا بس العتبه اقل طبعا




فإذا تقدرين تسوين نفس الفكره لاني ما اعرف كيف جاي مخططك ..

بصراحه ما اقدر اقولك اقتراحات اكثر الا اذا كنت شايفه المخطط .. بس انت فكري شوي يمكن تقدرين تحطين فيها على جنب طاولة اكل لكم بالبيت .. يمكن طاولات بوفيه للضيوف .. يمكن تقدرين تقطعينها بحواجز زجاجيه او جبسيه من على جنب واحد من الجدارن بطول متر و نص او ثنين و تستفيدين منها بأي شي.. برضو اذا كانت المنطقه مره كبيره ممكن تحطين جبس بالسقف بس لطاولة الاكل و بيصير حركه زي كذا مثلا




بصراحه قلت لك اقتراحاتي و انا مو متخيلتها بس لو شفتها يمكن افيدك اكثر..

اما بالنسبه لملاحظاتك فنظرتك صحيحه ميه بالميه.. زوجك يبي البيت يكون مرفه و مترف بالمساحه بس انت تبينه عملي و مفيد لكم و برايي هذا الاهم..احس لازم يتم استغلال كل مساحه بالمنزل و تفادي الاخطاء ..

من خلال تجربتي:
قلت لك على سالفة صالة الحريم .. هالشي ترتب عليه ان المهندس الغى المخزن اللي في المطبخ و ضاق صدري و جلست ادور على حل الى ان لقيت لي ثلاث حلول اني احطه تحت الدرج او نصغر المنور و باقي المساحه نسويها المخزن او نشتري مخزن جاهز من ساكو و نحطه بالسطح..
فأنتِ حاولي تدورين حلول خاصه لغرفة الالعاب..

مثال على الاخطاء حسب اللي ذكرتيه:
قلتي اللي فوق يقدر يشوف الصاله.. و تقولين ان الحريم بالصاله .. وين الخصوصيه؟! و خاصه اذا كان بيت العمر يعني بكره اولادك بيكبرون ان شاء الله.. من غير انه اذا كان عندك حريم ما يقدر زوجك يصعد فوق لان المكان مكشوف... صح الحريم يوم ولا ثنين بالشهر بس هذا بيت عمر و الواحد ما يدري عن الظروف.. و برضو زي ما ذكرتي التكييف بيصير مشكله الا اذا حطيتوا تكييف مركزي ( مكلف نوعا ما من غير الصيانه غاليه الا اذا اخذتوا عليه ضمان ) ... لان الصحراوي ما راح ينفع بالشرقيه ابداً..

مثال ثاني:
غرفة العاب.. احسها مره مهمه و فكري اكثر يمكن يمديك تسوينها تحت او حتى فوق.. مو معقوله بيتك فيه مساحه كبيره و مو لاقيه غرفه 3×3 .. اقلها سوي جدار مفتوح من الوسط في الصاله او بارتشن زجاجي بطريقه حلوه..

نصحيتي لك اختي:
حاولي تتكلمين مع زوجك و تقولين له وجهة نظرك بكل هدوء بحيث تقولين له ليه انت معترضه .. و لا تقولين له بصيغة الامر تكلمي معه على اساس مشاور و اسباب شورك بهالشي( زي لما قلتي عن مشكلة التكييف) و اذا ما غير رايه حاولي تقولين له طيب شرايك نستشير طرف ثالث و نشوف رايه متفق مع مين .. او خلي كل طرف بينكم يتنازل عن شي بمقابل شي بمعنى ارضي يسوي شغله و خليه بالمقابل يسوي لك شغله.. و تذكري حبيبتي ان الحياه مشاركه و اذا لزم على كلامه يا علها خيره و حاولي تتأقلمين مع هالشي و تتفادين قدر الامكان الاخطاء و انتبهي لا تقولين له كل شوي ( شفت ما قلت لك ) خخخ ترى الرجال يزعلون من هالشي يكابرون كثير..

ملاحظه:
حلو لو تمسكين ورقه و قلم الحين و تكتبين وش اللي مضايقك بالضبط بالبيت و ليه .. ووشو اللي تتمنينه يكون فيه و ما سواه و ليه.. و برضو مره وحده حاولي تكتبين حلول و بدائل.. و رتبي افكارك و تناقشي مع زوجك بهدوء و معك ورقتك .. و ابدأي كلامك بالمديح و من ثم اردفيها بكلمه بس لو .. و ش رايك.. مدري بس احس لو سوينا كذا .... الخ من هالاساليب..

و برضو اقترح عليك تدورين بالنت صور صالات و ادراج و شوفي كيف مصممه بعضها يكون فيها افكار لقواطع و ترتيب اثاث يمكن يغير افكارك..

بالنهايه لا يسعني الا الدعاء لك بالمنزل المبارك و ان يكون خيراً لك و لعائلتك و يسخر لك زوجك و عيالك يا رب..

و الحين بحط لك مجموعة صور وانتبهي للقواطع الزجاج اللي بجنب الدرج او اللي بوسط الصاله .. و انتبهي للجبس كقاطع .. برضوالجدران المفتوحه بالوسط يمكن تقدر تفيدك و تكون حلول لشي عندك...















بالتوفيق

محبتكم لودي الف شكر حبيبتي والله يجزيك كل خير استفدت كثييير من مداخلتك الله يبارك فيك ويحفظك ..ومثل ماقلتي انا يهمني في البيت يكون عملي ويوفي باغراضنا وامورنا وهو تفكيره وكأنه للعرض .. دائما لما تكلم معاه اتكلم معاه بهدوء واولها امدح وهذي حقيقه لانه في كل شي مايختار الا بعد تفكير سواء في المصمم والا المقاول والا السباكين وغيرهم وهو حريص جددددا على شغلهم ويراقبهم ولا يعطيهم فرصه ماشاء الله لمحاولة النصب والغلط .. لدرجة انه قبل لايبني كان يقرأ كثير عن خطوات البناء .. وهذا الشي الي مضايقني انه كل اختيراته تمام واشوف الشغل للان مرضي ومرتب .. والبيت ضخم ومساحته كبيره لكن ينقصه اشياء .. حاولت معاه باسلوبي ومثل ماذكرتي .. لكن للاسف كلما احاول اقنعه يقولي لسه البيت ماكمل حتى الدور الارضي استني شوي وبعدين احكمي ..!! وانا خوفي ان بعدين صعب التغيير ..الصوره الي حطيتيها اول صوره ممكن تنفع للصاله عندي قريبه من المجلس لانها عن يمينها جدار المجلس ويساره ايضا جدار للمدخل .. لذالك ممكن نسويها غرفه ولما اقترحت عليه رده انه بيخليها له مكتب !! خاصه ان الباب زجاج يطل على الصاله .. يعني عجبته الفكره لكن خلاها لصالحه .. وبقية المساحه الي تحت مادري اذا تضبط معها اني اسويها غرفه للاطفال والا لا .. وفوق ماشاء الله 5 غرف .. واكيد مش كلهم رح تستغل لان انا عندي بنتين وافضلهم في غرفه وحده وغرفة الشغاله في الملحق (ثالث دور ) وعلى فكره كان بيخلي غرفة الغسيل تحت وانا بجهد مني حااولت اقنعه انه يخليها الدور الثاني الي فيها غرفنا لانها بيكون اسهل لنا طالما الاستحمام فوق والملابس فوق .. وافق والله يستر خايفه لايكون يخليها في الملحق مع الشغاله لاني لما حاولت اقنعه قالي اجل نخليها مع الشغاله وانا اصلا ما احب الشغاله تدخل في الملابس ويكونون معها ..والله ماشاء الله عليك احسك فااهمه وذوق تمنيت اني اعرف ارسل كان ارسلت لك المخطط ..للاسف ان هذي افكاري مجرد افكار لكني ماعندي خلفيه كبيره بالديكور والتصميم .. كل تفكيري ان البيت يوفي الغرض ويكون تفصيله سهل مثلا غرف الغسيل قريبه مننا مش تحت عشان كل شوي منزله ومركبه في هالملابس ..وفضلت غرفة اطفال تحت رغم ان ممكن استغل غرفه من الغرف الي فوق لكن افضلهم مكان جلوسنا ..

يارب يسهل امركم صحيح حنا في بيوتنا مساحات غير مستغله بس للغبار والشمس