بنات حواء...ممكن مساعده

صباح الخيرات ..حبيباتي.. ابي استشيركم بموضوع لعل وعسى انه بنت خالي تقتنع من ارائكم لما تقرأها
كنت بعزيمه مع بنات عمي وخوالي..كنا نسولف عن الازواج وكانت وحده من بنات عمي صايرلها مشكله مع زوجها دقت على زوجها وقالت ودني لأمي وهو كان رايح يسهر..قالها زوجها لأ..وسكر زوجها التليفون ..راحت بنت عمي ودقت علا اخوانها وجوا اخذوها..المهم دقت على زوجها على اساس ياخذها قالها زي ماطلعتي ارجعي...وصمت الجوال وهي تدق تدق حول العشرين مكالمه..وهو مصمم على رايه المهم رجعت لبيتها مع اخوها عقب..زوجها يقرب لعمتي قالها المشكله وقال انا ماقصدي امنعها من امها بس هي كل يوم امي امي امي..ابيها تتعود على جلسة البيت..المهم عمتي دقت عليها ونصحتها انه مايصير تطلعين بدون اذن زوجك وووووو.

انا قلتلكم القصة عشان تكونون على بينه
المشكله وين...امس بالسهره فتحت عمتي الموضوع ردت هذه اللي صارت لها المشكله وقالت اصلا الرجال اللي الحرمه تقوله سم ابشر من عيوني هذه زوجها يمشي ويتركها...اما اللي تعانده يمشي وراها وينفذ طلباتها...وتقول انا كان يقولي لأ..لاتمشين...لاتسوين....و ,,,,و,,,,و,,,,ومن كثر ما اعانده صار يسمع كلامي واي مكان ابيه يوديني

بنت خالي يابنات تأثرت من كلامه وهي دووبه ملكه وتقول **** الله بسوي مثله...وانا يوم رجعت البيت اليوم الثاني دقيت ع بنت خالي وقلتلها لاتتاثرين بكلام اشواق بنت عمي ...صح زوجها هالحين يسمع كلامها بس اكيد ان حياتها ..ماهي زينه...اذا كل شي بالعناد ايش الفايده ..ولو يحصله فرصة انه يتزوج عليها مابيقصر
المهم بنت خالي اللي مملكه متأثره حيييييل...لان زوجها شكله من اللي شخصيته قويه..هذا حكمها عليه من مكالماته...وهي ماتحب احديتسلط عيها....المهم قلتلها اني بكتب المشكله بعالم حواء...وانتي شوفي ارائهم وارسلتلها رابط الموضوع ايمييل....شرايكم حبايبي هل هي فعلا مستانسه..هل تتوقعون ان حياتها سعيده..هل هذه الاستراتيجيه(العناد) تمشي مع الرجال كلهم....بانتظار ارائكم